Dön’ya matbuğatına küzätü 16.04.2021

Qatarda basıluçı “Al-Raya Al-Katariya” gazetı yazğança İstanbulda 24 aprel’ könne Äfğanstanda tınıçlıq urnaştıru söyläşüläre uzaçaq.

Omanda çığuçı “VATAN” basması alman belgeçläreneñ süzlären citkerä: “Mutant virus vakŝinanıñ täêsir köçenä tiskäre yoğıntı yasıy ala.”

Livannıñ “El-Mustakbal” gazetı Aq Yortnıñ açıqlawına urın birä: “Xärbi kontingent bulmasa da El Kaide oyışmasın küzätä alabız.”

Deutsche Welle media oyışması beldergänçä öydän êşläwçelär arqa awırtularına zarlana. Germaniyada ütkärelgän ber tikşerenügä kürä öydän êşläwçelärneñ kübesendä sälamätlek qaqşağan.

Alman telendäge Bild.de xäbär säxifäse citkergänçä Germaniya Kanŝlerı Angela Merkel’ bügen AstraZeneka vakŝinasın yasataçaq.

İspaniyada dön’ya kürüçe “El Mundo” basması yazğança Pfayzernıñ Başqarma şurası başlığı süzlären uquçıları belän urtaqlaşa: “Közen qabat normal’ tormışqa qayta alaçaqbız.”

Çilineñ “El Mercurio” gazetı Çili xalqınıñ kizü çorında ruxıy sälamätlege iñ küp bozılğan ikençe millät buluın citkerä.

France 24 televideniyese xäbärenä kürä Ukraina däwlät başlığı Vladimir Zelenskiy Rusiyä belän kiyerenkelek däwam itkän waqıtta Yelisey Sarayında qabul itelde.

RİA Novosti agentlığı beldergänçä Rusiyä Tışqı êşlär ministrlığı AQŞnıñ yaña çikläwlären ike yaqlı mönäsäbätlärne cimerü kereşüe itep taswirladı.

Rus telendäge “Kommersant” basması Rosturizm açıqlawına urın birä: “Törkiyädä häm Tanzaniyada xäzerge waqıtta 100 meñnän artıq Rusiyä turistı bar.”

TASS agentlığı citkergänçä Pol’şa 3 rus diplomatın persona non-grata itep iğlan itte.

“Tatar-inform” mäğlümat agentlığı yazğança Tatarstanda tağın 32 keşe koronavirus yoqtırğan. Respublikada soñğı täwlektä 49 keşe terelgän.