Дөнья мaтбугaтынa күзәтү - Dön’ya matbuğatına küzätü 26.02.2021

zdf.de: Federal’ Baş prokuratura Berlindağı parlament binasınıñ qat plannarın Rusiyä küzläw oyışmasına citkerüe alğa sörelgän Germaniya watandaşı turında şımçılıq gäyepläwe belän däğwa açtı.

Deutsche Welle: Qıtayda tağın ike vakśinağa qullanu röxsäteneñ birelüe belän ildä yaña tör koronavirusqa (Kovid-19ğa) qarşı yasalğan vakśina sanı dürttä citte.

Welt: Bötendönya sälamätlek saqlaw oyışması çit il säyäxätlären häm turizmnı xäräkätländerü öçen kön tärtibenä kiterelgän vakśina pasportı mäs’äläsendä kisätte.

Eldustour: “Johnson”nın dozasında “Pfizer”nıñ yoğıntısında häm “Moderna”nıñ Kovid-19 vakśinasında yaña täräqqiyätlär.

Elayyam: Amerika Quşma Ştatlarında İlbaşı Djo Bayden citäkçelege: "Fälästinnär däwlät bulu häm bäysezlek öçen legal kötkännäre êçendä."

Elqudus: Myanmada protestçılar arasındağı köçle bäreleşlär arqasında ğaskär tağın da kübräk sankśiya belän qara-qarşı.

Le Parisien: Kovid-19: (Parij şähär xakimiyäte başlığı) Anne Hidalgo Parij öçen 3 atnalıq (tığız) karantin taläp itä. 

Le Monde: Karantin başlanğıçınnan 9 aydan soñ Franśiyada bala tabu sanında rekord azayu buldı.

Le Figaro: Awrupa Berlege cäy axırına qadär awrupalılarnıñ 70%ın vakśinaśiyäläw maqsatı mäs’äläsendä “optimist”.

El Mundo (İspaniya): Monnan aldağı patşa Inçe Xuan Karlos belän bäyle wazğiyät tınmıy: Xuan Karlos däwlättän aqça yäşerüe säbäbe belän Kaznağa tağın 4 million yevro tüläyäçäk. 

El Pais (İspaniya): İspaniyada ütkärelgän ike tikşerenü basıp alğan çikertkä törläreneñ Awrupanı täêsire astına aluın häm şuşı çıdam törlärneñ törle xastalıqlarnı yörtä aluın bilgele itte.

El Nacional (Venezuela): Awrupa Berlege häm Venesuêla arasındağı kiyerenkelektä bu yulı Awrupa Berlege Venesuêla wäkilen “non grata” “telänmägän keşe” bularaq iğ’lan itte. 

TASS: Törkiyä sälamätlek saqlaw ministrı Fahrettin Koca kiçä yasağan belderüendä Rusiyäneñ “Sputnik-5” vakśinasınıñ toksikologik testlarınıñ başlawın açıqladı.

Vedomosti: Mäskäw şähär xakimiyäte başlığı Sergey Sobyanin xastaxanägä salınğan kovid-19 xastalarınıñ sanında azayu bulğan oçraqta 1-2 ay êçendä qayber çikläwlärneñ beterelä alınacağın äytte.

Rossiyskaya Gazeta: Rusiyä saqlanu ministrlığı:Ärmänstan Baş ministrı Nikol Paşinyanğa Qarabax suğışında şartlamawın alğa sörgän "İskändär" raketaları mäs’äläsendä yalğış mäğ’lümat birelgän, çönki bu raketalarnıñ berse dä bäreleşlärdä qullanılmadı. 

Tatarstannıñ “Tatar-inform” agentlığı Qazaqstannıñ Äxmät Yäsävi isemendäge törek-qazaq universitetınıñ “İdel-Ural söyläşüläre” cıyının Ğalimcan İbrahimovqa bağışlawın xäbär itä. Agentlıq beldergänçä, anda millättäşebez, filologiya fännäre ğalimäse Çulpan Zarif-Çätin çığış yasadı.