Dönya matbuğatına küzätü 23.02.2021

Qayber çit il basmalarına küzätü

1588943
Dönya matbuğatına küzätü 23.02.2021

 

 

“Le Monde” gazetı yazğança, Amerika Quşma Ştatlarında 1965 nçe yılnıň 21 nçe fevralendӓ üterelgӓn sӓyӓsӓtçe hӓm keşe xoquqların yaqlawçı  Malkol’m İksnıň ğailӓse cinayӓt’ tikşerüen qabat açunı talӓp itӓ.

“France 24” kanalı Bötendönya sӓlamӓtlek saqlaw oyışması bay illӓrne fӓqiyr’ illӓrgӓ vakśina taratunı bozuda ğayepli dip belderӓ.

“Le Soir” basması AQŞ ilbaşı Djo Baydennıň  ildӓ koronavirustan ülüçelӓr sanı yartı millionnan artu sӓbӓple bayraqlarnı yartılaş töşerü boyırığı birüen citkerӓ.

“Al-Raya Al-Katariya” gazetı ğalimnӓneň “Vakśinaśiyӓlӓwneň  ӓkren baruı yaňa törlӓrneň barlıqqa kilüen arttıra” digӓn süzlӓren uquçıları belӓn urtaqlaşa.

“VATAN” basması Bötendönya sӓlamӓtlek oyışmasınıň  “Ӓlegӓ citӓrlek dӓrӓcӓdӓ kollektiv immunitet barlıqqa kilmӓde” digӓn süzlӓren citkerӓ.

“El-Mustakbal” basması İran lideri Ali Hamaneynıň “İrannıň atom-töş qoralına iyӓ buluın berӓw dӓ totqarlıy almıy” dip ӓytüen belderӓ.  

“El Pais” gazetı NASAnıň Marsqa cibӓrgӓn ğalӓm korabı tarixta berençe tapqır  Marsqa töşep utırunı kürsӓtkӓn video töşerde dip yaza.  

“Frakfurter Allgemeine Zeitung” yazğança, Germaniyanıň Kel’n şӓhӓrendӓ Xanau qorbannarı fotosürӓtlӓrenӓ höcüm itkӓnnӓr.  

“RTL Online” xӓbӓr itkӓnçӓ, Germaniyӓdӓ 10 töbӓktӓ balalar baqçaları hӓm başlangıç mӓktӓplӓr açıldı.  

“Tagesschau.de” Angliya Kovid -19 arqasında kertelgӓn barlıq çiklӓwlӓrne 21 nçe iyün’dӓ beterӓçӓk dip xӓbӓr itӓ.

“Vesti” gazetı Rusiyӓneň “Sputnik V” koronavirus vakśinasınıň Qırğızstanda rӓsmilӓşterelüe turında yaza.  

“Lenta.ru” Rusiya Federaśiyӓse dӓwlӓt başlığı Vladimir Putin belӓn Belarus dӓwlӓt başlığı Aleksandr Lukaşenkonıň Soçi qalasında 6 sӓğӓt’ dӓwam itkӓn söylӓşü ütkӓrüen belderӓ.

“İzvestiya” gazetı  yazğança, AQŞ dӓwlӓt departamentı süzçese  Ned Prays ӓytüençӓ, AQŞnıň Rusiyӓneň “Tön’yaq ağım -2” tabiği gaz ütkӓrgeç proyektına qarşı torunıň berdӓnber sӓbӓbe – geosӓyӓsӓt.

“Tatar - inform” xӓbӓr itkӓnçӓ, Tatarstanda 72 meňgӓ yaqın keşe koronavirustan “SputnikV” vakśinasın yasatqan. Respublikada yӓşӓwçe 13 meň 615 keşegӓ vakśinanıň ikençe komponentı yasalğan.

Tatarstannıň şul uq mӓğl’lümat agentlığı Rusiya Federaśiyӓse dӓwlӓt başlığı Vladimir Putinnıň Tatarstan ilbaşı Röstӓm Miňnexanovnı Watannı saqlawçılar köne belӓn qotlawın citkerӓ.

 

 



Bäyläneşle xäbärlär