Дөнья мaтбугaтынa күзәтү - Dön’ya matbuğatına küzätü 22.02.2021

äl-Düstur (Yordaniya gazetı): İzrail ike atnada fälästinlelärneñ 89 binasın cimerep tartıp aldı.

äl-Quds äl-Arabi (Soğud Ğäräbstanı gazetı): İzrail Baş ministrı Binyamin Netanyahu Qudüs-Yerusalimdäge ofisında Misır ministrın qabul itte. Qabul itü waqıtında Netanyahu Misır ministrınnan dustı Misır İlbaşı Abdüfättah äl-Sisigä sälamnären citkerüen soradı.

äl-Rayä äl-Qatariyyä (Qatar gazetı): Qatar Frankofoniyanı (franśuz mädäniyäte belän bağlanışı bulğan illär häm töbäklär wäkillek itelgän xalıqara oyışmanı) yaqlarğa däwam itüdä täwäkkäl.

Deutsche Welle: Konronavirus: Germaniyada borçılırlıq artu.

Süddeutsche Zeitung: Germaniyada bundeslandlar vakśinaśiyäläw isemlegen üzgärtergä teli. Balalar baqçasında häm başlangıç mäktäplärdä wazıyfalı buluçılarğa östenlek tanıluı uylanıla.

Frankfurter Rundschau: Amerika Quşma Ştatlarınıñ êlekke İlbaşı Donal’d Tramp 2024nçe yılda yañadan ilbaşı namzäte bulaçaqmı? Ügi qızı Lara Trampnıñ açıqlawları şuşı yünäleştäge imeş-mimeşlärne uyattı.

El País (İspaniya): Kataloniya poliśiyasınıñ uramnardağı qırıslıq waqıyğaların idarä itü ısulı üzidaräle Kataloniya töbägendäge totrıqsızlıqnı tağın da arttırdı.

La Jornada (Meksika): Verakruz provinśiyasendä kilep töşkän Meksika hawa köçläre oçqıçında 6 keşe häläq’ bulğan.

Clarín (Argentina): AQŞ “Kovid-19” arqasında 500 meñnän artıp kitkän ülem sanı belän Berençe häm İkençe Bötendönya suğışları” häm “V’etnam suğışı”ndağılardan tağın da kübräk yuğaltu birgän wazğiyättä.

Le Monde: (Franśiyada) Poliśiyağa qarşı yasalğan cinayät’lär 20 yılda ike märtäbädän kübräk arttı.

Le Figaro: M’yanmadağı xunta protestçılarnı (üzlärenä qarşı köç qullana alu) belän kisätte.

Libération: Kovid çaraları: (Franśiyanıñ kön’yağındağı) Niśśa şähärendä turizm batu qurqınıçı astında tora.

Gazeta.ru: AQŞ İlbaşı Djo Baydennıñ iminlek kiñäşçese Djayk Sallivan Amerika Quşma Ştatlarınıñ Rusiyä xakerlarınıñ kiber höcümnärenä cawap äzerläwen äytte.

“İzvestiya” gazetı: Angliya tışqı êşlär ministrı Dominik Raab BMO keşe xoquqları şurasınnan Rusiyädäge keşe xoquqların bozu oçraqlarına reakśiya kürsätüen sorayaçaq.

RİA Novosti: Slovakiya Baş ministrı Igor Matoviç kabinet äğ’zalärennän Rusiyädä êşläp çığarılğan “Sputnik 5” koronavirus vakśinasınıñ alınuın tizlätelüen teläde.

Tatarstannıñ “Tatar-inform” agentlığı fol’klorçı ğalim Fatix Urmançeyevneñ wafat buluın xäbär itä. Ğalimgä 84 yäş’ ide. Agentlıq beldergänçä, ğıyl’mi êşçänlegen tatar xalıq awız icatına bağışlağan Fatix Urmançeyevne soñğı yulğa ozatu cıyını sişämbe könne uzaçaq.