Dön’ya matbuğatına küzätü 16.02.2021

Alman gazetı “Frankfurter Rundschau” beldergänçä Änkara citäkçelege AQŞ ilçesen Tışqı êşlär ministrlığına çaqırdı.

Deutsche Welle media oyışması xäbär itkänçä Berlindağı qunaqxanälär işeklären öysezlär öçen açtı.

Alman telendäge ard.de internet säxifäse yazğança Bötendön’ya sälamätlek saqlaw oyışması belgeçläre Qıtaydan koronavirus belän bäyle kübräk mäğlümat taläp itä.

Argentinada basıluçı “Clarin” gazetı citkergänçä ilneñ êlekke däwlät başlığı Karlos Menem San Xusto möselman ziratına cirlände.

Meksikada çığuçı “El Universal” basması beldergänçä Meksikadağı Korporativ İnqıylapçı partiyaneñ êlekke xalıq ışanıçlısı Gladis Merlin häm qızı cinayät’ qorbanı buldı.  

“Eldustour” gazetı yazğança Bötendön’ya sälamätlek saqlaw oyışması 13 koronavirus töreneñ tabıluın citkerde.  

“Elraya” basması Bötendön’ya sälamätlek saqlaw oyışmasınıñ üsep kilüçe illärdä AstraZeneka vakŝinasınıñ yasaluın raslawın yaza.

“Elqudus” gazetı xäbärenä kürä Qatar tışqı êşlär ministrı kiyerenkeleklär külägäsendä İranğa säfär yasadı.

Franŝiyaneñ “Le Parisien” basması citkergänçä AQŞ viŝe-prezidentı Kamala Xarris häm Franŝiya ilbaşı Makron pandemiyağa qarşı yaqın xezmättäşlek yaqlı.  

Şul uq ildä dön’ya kürüçe “Le Monde” gazetı xäbär itkänçä mart häm aprel’ aylarında Parij häm Marsel’ şähärendä konŝertlar uzaçaq.

TASS xäbär agentlığı beldergänçä Rusiyä häm Amerika Quşma Ştatları Fälästin – İzrail problemasınıñ çişeleşendä xezmättäşlek başqara ala. Mäs’älä ike ilneñ tışqı êşlär ministrlığı räsmi zatları tarafınnan telefonnan söyläşelde.  

Lenta.ru xäbär säxifäse yazğança Rusiyä däwlät başlığı Vladimir Putin xökümätkä rus Kovid-19 vakŝinalarınıñ mutant viruslarğa qarşı aktivlığı belän bäyle analiz yasarğa boyırdı.

“Tatar-inform” mäğlümat agentlığı xäbärenä kürä Tatarstanda “Kubok Drujbı – Duslıq” Bötenrossiya xokkey turnirı uzaçaq.