Дөнья мaтбугaтынa күзәтү - Dön’ya matbuğatına küzätü 15.02.2021

Al-Raya Al-Katariya (Qatar): 12.4 million Süriyäle azıq-tölek qıtlığı belän qara-qarşı qaldı.

Watan (Oman): Amerika Quşma Ştatlarında yaña tör koronavirus (Kovid-19) vakśinası daruxanälärdä satıla.

Äl-Mustakbal (Livan): AQŞ Saqlanu ministrlığı: Töbäktäge (Yaqın Könçığıştağı) xärbilärebez İran yanawın xäl itä ala.

Le Monde: Franśiyada “Kovid-19” belän (êş urınnarında) sanaq aldında töşke aş aşaw yañadan röxsät itelä (İldä êş urınnarında östäl başında aşap-êçü tıyılğan ide)

Le Figaro: Franśiyada azıq-tölek banklarınnan faydalanuçılarnıñ yartısı bu yärdämgä ber yıldan äzräk waqıt êlek möräcäğät itte. (Franśiyada azıq-tölek bankları matdi xäle yaxşı bulmağan keşelärgä aşamlıq yärdämen täêmin itä)

Le Parisien: Parijda ber äni keşeneñ bäbiye belän bergä höcümgä duçar buluı açuğa säbäp buldı. (Watandaşlıq xezmätlärennän cawaplı däwlät ministrı) Marlèn Şiappa häm (Êçke êşlär ministrı) Gerald  Darmanin höcümgä reakśiya kürsätte.

El Pais (İspaniya): Kataloniya saylawları: Bu yäkşämbe könne Katalan töbägendä ütkärelgän saylawda separatistlar yañadan köç qazandı.

El Mundo (İspaniya): Katalan saylawında separatist bulmağan PSC (Katalan sośialist partiyaları) tawış yağınnan berence partiya buldı, ämma separatistlar motlaq poziśiyaların saqlap qaldı.

El Nacional (Venesuêla): Venesuêla Rusiyäneñ berence partiya “Sputnik V” koronavirus vakśinalarına qawıştı.

Tagesschau.de: Germaniya kanślerı Angela Merkel 9 keşe ülgän Hanaudağı höcümneñ yıllığı aldınnan bergä yäşärgä teläwçe härkemne rasaçılıq näfrätenä qarşı teläktäşlek belderergä çaqırdı.

Gazeta.ru: Rusiyä xärbi zatları häm proyektlawçıları raketa höcümen aldan xäbär birüçe kisätü sistemasınıñ sınap qarawın tämamladı. 

Lenta.ru: Rusiyä 15nçe fevral’ düşämbe könne Azärbaycan häm Ärmänstanğa koronavirus kizüe arqasında tuqtatılıp torğan oçqıç säfärlären yañadan başlattı.

Vesti.ru: Täwge tapqır Angliyada bilgelängän yaña tör “Kovid-19” diagnozın quyuda qullanılğan dönyanıñ berence testı Rusiyädä terkälde.

Tatarstannıñ “Tatar-inform” agentlığı Tatarstannıñ Rusiyäneñ tormış sıyfatı iñ yuğarı bulğan aldınğı 10 töbäge arasına kerüen xäbär itä. Agentlıq beldergänçä, Reytingtağı berence öç urınnı Mäskäw, Sankt-Peterburg häm Mäskäw ölkäse bili.