Dönya matbuğatına küzätü 27.01.2021

“Le Monde” basması yazğança, Awrupa Berlege Kovid -19 vakśinasın citeşterüçelӓrne wazıyfa hӓm burıçları xaqında kisӓtte.  

“France 24” kanalı Franśiyada uqıtuçılar, uquçı yӓş’lӓr , mӓktӓp şӓfqӓt’ tutaşları xökümӓtneň êpidemiyӓgӓ qarşı sӓyӓsӓtenӓ protest yözennӓn êş taşladı dip belderӓ.  

“el-Quds el-Arabi” gazetı Vaşington citӓkçelegeneň “Fӓlӓstindӓ ike dӓwlӓtle çişeleşne xuplıybız  hӓm İzrail belӓn  mönӓsӓbӓtlӓrne tağın da kübrӓk normal’lӓşterergӓ çaqırabız” digӓn süzlӓren uquçıları belӓn urtaqlaşa.

“el-Raye el-Qatariyye” basması Katar ӓmire Şӓyex Tӓmim bin Hamӓd Ӓl -Sanineň Soğud Ğarӓbstanı patşası  Sӓlman bin Abdülazizgӓ  prinśessa Tarfe binti Suud bin Abdülazizneň wafat buluı uňayınnan qayğınamӓ cibӓrde dip yaza.

“ed-Düstur” gazetı BMO ğomum sӓrqӓtibe Antoniu Guterrişneň  “Dönya ğasırnıň iň naçar iq’tisadi krizisın kiçerӓ” digӓn süzlӓren citkerӓ.

“Deutsche Welle” media oyışması xӓbӓr itkӓnçӓ, yaňa mutaśiya Germaniyӓdӓ borçılu tudıra. Bu yulı êsse hawalarda da êpidemiyӓdӓ yaxşıru bulmasqa mömkin.

“Süddeutsche Zeitung” beldergӓnçӓ, Germaniya kanślerı Angela Merkel belӓn Amerika Quşma Ştatları ilbaşı Djo Bayden tӓwge tapqır telefonnan söylӓşte.

“Bild.de” Germaniya kanślerı Angela Merkel koronavirıs mutaśiyӓse arqasında sӓyӓxӓtne çiklӓw talӓp itӓ dip citkerӓ.

“El Mundo” yazğança, Kovid -19 êpidemiyӓse arqasında dӓreslӓrdӓ qatnaşa almağan uquçılarnıň sanındağı artu uqıtuçılarnı hӓm ata -analarnı borçıy. Karantindağı sıynıflarnıň külӓme 60%tan kübrӓk.  

“La Vanguardia” gazetı Xalıqara valyuta fondı farazları buyınça İspaniya kilӓse yıllarda kötelgӓnnӓn sizelerlek dӓrӓcӓdӓ kimrӓk üsӓçӓk dip yaza.  

“Telesur” basması Venesuêla dӓwlӓt başlığı Nikolas Maduronıň bu atnada koronavirustan dӓwalanu öçen “Carvativir”  cirle preparatın citeşterü başlanğanın belderüen citkerӓ.

“Kommersant” gazetı Rusiya Federaśiyӓse dӓwlӓt başlığı Vladimir Putinnıň wazıyfasına kereşkӓn AQŞ ilbaşı Djo Bayden belӓn telefonnan söylӓşüe turında yaza.

“RİA Novosti” xӓbӓr itkӓnçӓ, Rusiya Federaśiyӓse dӓwlӓt başlğı Vladimir Putin Yaňa strategik qoralnı kimetü kileşüen ozınaytu qararın Dumağa tӓq’dim itte.

“TASS” agentlığı Rusiyӓneň uzğan yıl pandemiya arqasında tuqtatqan V’yetnam, Hindıstan, Finlyandiya hӓm Katar belӓn regulyar reyslarnı qabat başlatuın citkerӓ.

“Tatar - inform” xӓbӓr itkӓnçӓ, Tatarstanda tӓwlek êçendӓ Kovid -19 koronavirusı belӓn zararlanunıň 84 yaňa oçrağı terkӓlgӓn.