Дөнья мaтбугaтынa күзәтү - Dön’ya matbuğatına küzätü 13.01.2021

Кaйбeр чит ил бaсмaлaрынa күзәтү / Qayber çit il basmalarına küzätü

1562904
Дөнья мaтбугaтынa күзәтү - Dön’ya matbuğatına küzätü 13.01.2021

Deutsche Welle: Germaniyada möselmannarğa qarşı rasaçılıq parlament kön tärtibendä.

Frankfurter Rundschau: Yaña tör koronavirusnıñ (“Kovid-19”nıñ) Kön’yaq Afrika mutaśiyası Germaniyağa kilep citte. Çikläwlärneñ ozınaytıluı Kanśler Angela Merkelneñ kön tärtibendä.

Süddeutsche Zeitung: Germaniyada “Kovid-19” kizüe arqasında küzdä totılğan finans yärdämnärneñ tuqtatıluına qatı tänqıyt’läwlär.

 

el-Quds el-Arabi (Soğud Ğäräbstanı): Citeşterüendä soñğa qalğan Awrupa Törkiyäneñ keşesez xärbi oçqıçın alaçaqmı?

 el-Quds el-Arabi (Soğud Ğäräbstanı): Amerika Quşma Ştatları İlbaşı Donal’d Tramp ilendä "tınıçlıq” çaqıruın yasadı.

el-Raye el-Qatariyye (Qatar gazetı): İrtägä (atnakiçen) Tunis zur baş kütärüdän soñ Zäynä'l-Abidin bin Ali rejimınıñ bärep töşerelüeneñ 10 yıllığın bilgeläp uzaçaq.

 

Le Figaro (Franśiya): “WhatsApp” qullanuçılarına mäğ’lümat konfidenśiallığı mäs’äläsendä ışanıç birergä tırışa.

Le Soir (Bel’giya): “Moderna” vakśinası aldıbızdağı atnadan başlap Bel’giyada yasalaçaq

Le Parisien (Franśiya): “Twitter” häm “Facebook”tan soñ “YouTube” ta Trampnıñ kanalın tuñdırdı häm “qırıslıq riskı” täşkil itüe arqasında ber videoyazmasın sörtte.

 

La Vanguardia (İspaniya): “Moderna” vakśinasınıñ berençe dozaları İspaniyağa kilep citte.

El Mundo (İspaniya): Öçençe kizü dulqını sälamätlek saqlaw sistemasınıñ qurquların arttıra: “Kovid-19” arqasında xastaxanägä möräcäğät itülär berniçek tä azaymıy.

Prensa Latina (Kuba): Venesuêla neft’ şirkäte “Petróleos” 2021nçe yılda êşlärtelmägän neft’ citeşterüen ber köndä 1 million yarımğa citkerüne maqsat itä.

 

RİA Novosti: AQŞ däwlät departamentı “Tön’yaq ağım-2” tabiğıy gaz ütkärgeçeneñ salınuında Rusiyägä yärdäm itüçe Awrupa şirkätlärenä sankśiya riskı mäs’äläsendä kisätte.

TASS:  Törkiyä İlbaşı Räcäp Tayyip Ärdoğan sişämbe könne “Telegram”da akkaunt açtı. Äbünäçe-küzätüçelär sanı xäzerdän ük 100 meñnän uzdı.

“İzvestiya” gazetı: Qırğızstannıñ yaña İlbaşı Sadır Japarov Rusiyä belän strategik urtaqlıqlarınıñ däwam itäçägen äytte.

 

Tatarstannıñ “Tatar-inform” agentlığı başqala Qazanda aylıq normanıñ dürttän ber öleşe qadär qar yawaçaq, - dip xäbär itä. 14nçe ğıynwardä bıyıl ikençe tapqır köçle qar yawaçaq. Moñarçı “Tatar-inform” agentlığı bıyıl 10nçı ğıynvarda qar yawunıñ rekordlı buluın xäbär itkän ide.



Bäyläneşle xäbärlär