Dönya matbuğatına küzätü 11.01.2021
Qayber çit il basmalarına küzätü
“Le Parisien” basması yazğança, Angliyӓdӓ kürelgӓn mutaśiyӓle Kovid -19 töre Franśiyanıň Marsel’ qalasında da 8 keşedӓ açıqlanğan. Şӓhӓr mêrı “Monnan soň hӓr minut bik möhim” dip beldergӓn.
“Le Monde” gazetı Aljir ilbaşı Abdülmӓcid Tebbun dӓwalanu öçen Germaniyӓgӓ qayttı dip yaza.
“France 24” kanalı “3 millionnan kübrӓk koronavirus oçrağı bulğan Afrika qıytğası vakśina yarışında ni xӓldӓ? digӓn sorawnı quya.
“Al-Raya Al-Katariya” basması Törkiyӓ ilbaşı Rӓcӓp Tayyip Ӓrdoğannıň “Farsı qultığı illӓre arasındağı kileşü, tatulaşu töbӓk cӓhӓtennӓn faydalı hӓm uňay adım” digӓn süzlӓren uquçıları belӓn urtaqlaşa.
“VATAN” gazetı Katar belӓn Soğud Ğarӓbstanı ike yaqlı oçışlarnı bügen yaňadan başlıy dip xӓbӓr itӓ.
Şul uq gazet Baxreynnıň da Katarğa reyslarnı qabat başlatu qararına kilüen citkerӓ.
“Deutsche Welle” media oyışması xӓbӓr itkӓnçӓ, Amerika Quşma Ştatlarında Kongressqa bӓrep kerü waqıyğasınnan soň Germaniya parlament binasınıň qurqınıçsızlığın arttıra.
“Welt.de” koronavirusqa qaramastan 2020 nçe yılda Germaniyӓgӓ 103 meň sıyınu ğarizası birelüen citkerӓ.
“El Mundo” basması İspaniyӓneň qayber töbӓklӓrendӓ küzӓtelgӓn köçle salqın hӓm burannarnıň ilneň êçke öleşenӓ dӓ qurqınıç tudıra başlawın belderӓ.
“El Nacional” yazğança, Venesuêla Kovid -19 çaraların hӓm karantin qağıydӓlӓren bügennӓn başlap üzgӓrtergӓ cıyına.
“Lenta.ru” sӓxifӓse Törkiyӓ ilbaşı Rӓcӓp Tayyip Ӓrdoğan xosusıylıq, yӓşerenlek sӓyӓsӓte üzgӓrü sӓbӓple WhatsApptan baş tarttı dip citkerӓ.
“Kommersant” gazetı mutaśiyӓgӓ oçrağan Angliya koronavirusınıň tӓwge oçrağınıň Rusiyӓdӓ dӓ terkӓlüe turında yaza.
“Gazeta.ru” citkergӓnçӓ, Rusiya Federaśiyӓse dӓwlӓt başlığı Vladimir Putin Franśiya ilbaşı Êmmanuêl’ Makron belӓn Rusiya, Azӓrbaycan hӓm Ӓrmӓnstan liderları belӓn ütkӓrergӓ planlaştırılğan oçraşu xaqında söylӓşte.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü