Дөнья мaтбугaтынa күзәтү - Dön’ya matbuğatına küzätü 07.01.2021
Кaйбeр чит ил бaсмaлaрынa күзәтү / Qayber çit il basmalarına küzätü
Bild.de: Amerika Quşma Ştatlarında İlbaşı Donal’d Tramp yaqlawçıları kongressnı bastı. Qayber AQŞ senatorları tüntäreleş turında äytä.
Spiegel.de: AQŞta kilep çıqqan waqıyğalarda dürt keşeneñ ğomere özelgän.
Deutsche Welle: Germaniya xökümäte: "Mäktäplärneñ yabıluı şart ide." Germaniyada xökümät yaña tör koronavirus (Kovid-19) kizüenä qarşı kiçä kürelgän qatı qararlar qısalarında mäktäplärneñ häm balalar baqçalarınıñ yabıluına qarata tänqıyt’läwlär aldında üzen yaqladı.
France 24 (Franśiya): Kovid-19: Niderland vakśinaśiyäläw kampaniyasın başlatqan soñğı Awrupa Berlege ile
Le Figaro (Franśiya): Kovid-19: Awrupa Berlege “Moderna” vakśinasın rasladı.
Eldustour: London: "Yaña Kovid-19 mutaśiyäläre vakśinağa çıdam tügel"
Elraya: AQŞta İlbaşı Donal’d Tramp yaqlawçıları Kongressqa höcüm itte, poliśiya ut açtı.
Elayyam: Saylanğan İlbaşı Djo Bayden Tramp tarafdarlarınıñ Kongress binasın basuın gäyepläde: "Demokratiyağa moñarçı kürenmägän höcüm".
La Vanguardia (İspaniya): Awrupa Berlege AQŞta İlbaşı bulıp saylanğan Djo Baydennı kötmiçä (Venesuêlada üzen “waqıtlı däwlät başlığı” itep iğ’lan itkän) Xuan Guaydónı İlbaşı bularaq tanunı tuqtattı.
Prensa Latina (Kuba): Meksika başqalası Meksiko Sitidä “Kovid-19” arqasında xastaxanädä tulılıq küläme 83%qa cittte.
Infobae (Argentina): AQŞ Kongress binasına höcümdä 4 keşe ülgän, 14 poliśiya xezmätkäre yaralanğan.
“TASS” xäbär agentlığı: Rusiyä İlbaşı Vladimir Putin tormışqa qurqınıçlıq yanawçı xastalıqları bulğan balalarğa yärdäm maqsatınnan çığıp “Yaxşılıq tügäräge” isemle waqıfnıñ tözelüe turındağı qararrnamägä qul quydı.
Lenta.ru: Kamçatka yarım utrawında turistlar zur boz kisäge astında qaldı, ber keşeneñ ğomere özelde, öç turist yaralandı.
“RBK” xäbär saytı: AQŞ flotı Rusiyäneñ Tön’yaq polyusındağı (qotıbındağı) çik buyında patryul’ ütkäräçäk.
Tatarstannıñ “Tatar-inform” agentlığı “Rubin” taqımınıñ Törkiyädä ütäçäk künekmä cıyınnarında sigez kontrol’ matç uzdıraçağın xäbär itä.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü