د روسیې د کرونا ویروس سپوتنیک ۵ واکسین په ترکیه کې تولید پيلیږي

روسیې د کرونا ویروس سپوتنیک ۵ واکسین په ترکیه کې د تولید په برخه کې د ترکیې سره تړون لاسلیک کړ.

د روسیې د مخامخ پانګوالۍ صندوق او د ترکیې د  ویسکوران د درملو شرکت د سپوتنیک ۵ واکسین په ترکیه کې د تولید په برخه کې  تړون لاسلیک کړ.

د رویټرز خبري‌ اژانس ویلي دي‌ چې دا واکسین به د ویسکوران د درملو د شرکت په فابریکو کې تولید شي.

همداشان په راتلوونکو میاشتو کې به ددې واکسین په تولید پيل وشي.

د ویلو ده چې د سپوتنیک ۵ واکسین د روسیې د ګامالیا ایپیدیمولوژي او مایکروبیولوژي‌ ملي‌ انیستیتیوت لخوا جوړ شوی دی.

د لانسټ طبي‌ مجلې روان کال په پیل کې وویل چې د سپوتنیک ۵ واکسین د کرونا ویروس په مقابل کې ۹۱ عشاریه ۶ سلنه اغیزمن دی.