د تونس په سواحلو کې د ناقانونه کډوالو کښتۍ ډوبه شوې ده

د تونس په سواحلو کې د ناقانونه کډوالو د کښتۍ د ډوبیدو له امله ۵ تنو ژوند د لاسه ورکړی او ګنشمیر نور لا درکه شوي‌ دي.

د تونس چارواکو ویلي د ناقانونه کډوالو  کښتۍ چې ډیری د تونس وګړي‌ ۳۵ تنه ناقانونه کډوال پکې سپاره وو او اروپا پر لورې روانه وه  د تونس په سواحلو کې په سمندر کې ډوبه شوه.

د پیښې د رامنځته کیدو نه سمدلاسه وروسته د ژغورنې ډلې سیمې ته واستول شوې. چارواکو ویلي، چې  ژغورنې ډلو ۲۳ تنه ژوندي ژغورلي‌ او د ۵ تنو مړي‌ له اوبو راویستي‌ دي. ۷ تنه لا درکه دي‌ چې د موندولو په خاطر يي هلې ځلې روانې دي.