ملګري ملتونه : د طالبانو سره مذاکرات او تعامل د سیمې او نړۍ د امنیت لپاره یواځینۍ لار ده
رامیز الاکبروف : د نړیوالې ټولنې او طالبانو ترمنځ "خبرې اترې او تعامل " د افغانانو د ګټې سربیره د سیمې او نړۍ د امنیت لپاره یواځینۍ لار ده.
د افغانستان لپاره د ملګرو ملتونو د سرمنشي انتونیو ګوتریش ځانګړي استازي رامیز الاکبروف ویلي، د نړیوالې ټولنې او طالبانو ترمنځ "خبرې اترې او تعامل " د افغانانو د ګټې سربیره د سیمې او نړۍ د امنیت لپاره یواځینۍ لار ده.
الاکبروف په نیویارک کې د ملګرو ملتونو د امنیت شورا غونډې ته په وینا کې طالبانو ته اشاره وکړه.
"موږ لا هم په دې باور یو چې د موجود واکمنو سره خبرې اترې او تعامل د افغانستان د ګټو او د سیمه ییز او نړیوال امنیت لپاره یواځینۍ لار ده."
" مونږ په نظر کې لرو چې په راتلونکې میاشت کې سیاسي مشورې زیاتې کړو او په اوږد مهال کې، د موجود واکنو د تعامل د ډیرولو په خاطر ځیني ګامونه اوچت کړو."
الاکبروف ټینګار وکړ، که څه هم نړیواله ټولنه او طالبان د سیاسي حقونو، بشري او ښځو حقونو په برخه کې له یو بل څخه لرې پاتې دي،خو د ګډو اندیښنو لکه د نشه یي توکو د کنټرول ، ماین پاکۍ او د افغانانو د ژوند د ښه کولو په برخه کې کیدای شي چې په همکارۍ کې پرمختګ وشي.
" په مخ کې سترې ننګونې لرو خو صبر او زغم ته اړتیا لري. افغان ولس د همکارۍ ، خبرو اترو او تعامل مستحق دی او موږ لا هم په دې باور یو چې دا د دوی او نړیوالې ټولنې په ګټه یواځینۍ لار ده."
ځانګړي استازي د دې خبرې په ټینګار وویل چې د اګست له میاشتې راهیسې د افغانستان اقتصاد له ۳۰ څخه تر ۴۰ سلنې پورې کوچنی شوی او ټینګار یې وکړ چې د ۲۰۲۲ کال تر پایه به د فقر کچه ۹۷ سلنې ته لوړه شي او دا مهال ۸۲ سلنه کورنۍ په پورونو کې ژوند کوي.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی