په چین کې چاودنې ګنشمیر کسانو ته مرګ ژوبله اړولې
په چین کې د یو دفتر په کانتین کې چاودنه شوې
په چین کې د یو دفتر په کانتین کې د ډوډۍ خوړو پر مهال چاودنه شوې چې په نتیجه کې لږ تر لږه ۲۶ تنو ته مرګ ژوبله اوښتې ده .
دا پیښه د چین په سویل لویدیځ کې د چونګ کینګ په ښار کې رامنځته شوې ده .
د چونګ کینګ د والي دفتر په یو انلاین بیان کې ویلي دي چې دا پیښه د ګازو په یوې نللیکې د لیکیدو په نتیجه کې رامنځته شوې ده .
په بیان کې راغلي دي چې د چاودنې په نتیجه کې کانتین چپه شوی او قربانیان لاندې شوي دي. د بله پلوه د شینهوا خبري اژانس ویلي دي چې د پيښې نه وروسته سمدلاسه د ژغورنې ډلې سیمې ته راورسیدې او د نوموړو کسانو په ژغورولو يي پيل وکړ.
د ژغورنې ډلو د ړنګ شوي کانیتن د لاندې نه لس تنه ټپیان وژغورل او د ۱۶ تنو مړي راوویستل.
د چین دولتي تلویزیون ویلي دي چې تر ۶۰۰ تنو ډیر د ژغورنې پرسونل سیمې ته لیږدول شوی وو.
همداشان د ټپیانو نه هم د بعضو روغتیايي حالت ښه ندی.
د سیمې یو عیني شاهد خبري رسنیو ته ویلي دي چې چاودنه ډیره زوروره او ډارونکې وه. د شاوخوا کورونو شیشې هم ټولې ماتې کړي دي.
د ویلو ده چې د تیر کال د جون په میاشت کې هم په چین کې د ګازو د نللیکې د لیکیدو له امله چاودنه شوې وه چې په نتیجه کې ۲۵ تنو ژوند د لاسه ورکړی وو.
اړوند خبرونه
د ملګروملتونو د امنیت شورا په ملګرو ملتونو کې د فلسطین د بشپړ غړیتوب پر مسودې رای اچونه کوي.
فلسطین یو ځل بیا د ملګروملتونو سازمان د بشپړ غړیتوب غوښتنه وکړه