د هندوستان د لوی درستیز چورلکې سقوط کړی

د هندوستان د پوځ  د جګپوړو مقاماتو چورلکې سقوط کړی دی.

د هندوستان پوځ ویلي‌ دي‌ چې د لوی درستیز بپین راوات  او د هغه د کورنۍ د غړیو چورلکې د ټامیل نادو په  ایالت کې سقوط کړی دی.

د هندوستان هوايي ځواکونو ویلي‌ دي‌ چې پدې چورلکه کې د لوی درستیز بپین راوټ او د هغوې د کورنۍ د غړیو په ګډون ۱۴ تنو شتون درلود.

همداشان ځینو سرچینو پدې چورلکه کې د پوځ د نورو جګپوړو چارواکیو د شتون نه هم خبر ورکړی دی.

د هندوستان لومړي‌ وزیر د پيښې په اړه د پوره معلومات غوښتنه کړې ده .

ویل کیږي‌ دا پيښه د ټامیل ناډو ایالت اړوند د نیلګیرس په سیمه کې لویدلې ده .

د پيښې د رامنځته کیدو نه وروسته لومړی د سیمې خلک د پيښې ځای ته رسیدلي‌ او د ژغورنې په چارو يي پیل کړی دی.

د ټامیل ناډو ایالت پولیسو ویلي دي‌ چې ددې پيښې نه ۴ تنه ټپیان ژغورل شوي‌ او روغتون ته انتقال شوي‌ دي.

د ژغورل شوو کسانو روغتیايي‌ حالت ډیر زیات باریکه دی.

همداشان د پلټنو په ترڅ کې تر اوسه پورې د ۴ تنو مړي‌ راویستل شوي‌ دي.

ویل کیږي‌ دا چورلکه د سلور د پوځي‌ هډې نه د الوتنې نه لنډه موده وروسته د نیلګیرس په سیمه کې ولویده.