امریکا بهرنیو چارو وزیر : طالبان باید خپلو ژمنو عملي کولو ته اړ ویستل شي
د امریکا متحده ایالتونو د بهرنیو چارو وزیر انتوني بلینکن وویل چې طالبان د امریکا لخوا د په رسمیت پیژندو په خاطر باید کړې ژمنې پر ځای کړي.
د امریکا د بهرنیو چارو وزیر بلینکن دا څرګندونې د افغانستان په اړه د ۲۰ هیوادونو په ګډون د ویدیو کنفرانس له لارې جوړې شوې غونډې ته وکړې.
هغه د طالبانو لخوا اعلان شوي نوي سرپرست حکومت په اړه هم څرکندونې وکړې.
هغه وویل چې د طالبانو موقتي حکومت او یا نهايي جوړیدونکی حکومت به د هیواد نه بهرنیو وګړو او هغه افغانانو ته چې ویزې لري بهر ته د سفر کولو اجازه ورکړي. طالبانو پدې اړه ژمنه کړې او مونږ ټول باید دوې مجبور کړو چې خپلې ژمنې عملي کړي.
هغه د طالبانو د په رسمیت پیژندو په اړه وویل چې " طالبانو په نړۍواله کچه د مشروعیت ترلاسه کولو په لټه کې دي. خو طالبان باید دا مشروعیت او نړۍوال ملاتړ د خپلو مثبتو کړنو سره ترلاسه کړي. خو زمونږ په اند په لنډه موده کې نشي کولې چې مشروعیت او ملاتړ ترلاسه کړي.
د نړۍوال مشروعیت او ملاتړ د ترلاسه کولو لپاره یواځې خبرې کافي ندي. عمل او اجراعات مهم دي. دا خبره به د وخت په تیریدو سره معلومه شي.
هغه وویل چې د طالبانو لخوا اعلان شوی حکومت د پراخ بڼسټۍ او ټولشمولۍ په امتحان کې ناکامه شو. هغه وویل چې د طالبانو لخوا د اعلان شوي کابینې د غړیو ماضي زمونږ لپاره د اندیښنه وړ ده. همداشان په کابینه کې ښځو ته د ونډې نه ورکول بله مهمه تشه ده.
اړوند خبرونه
د روسیې د دفاع وزارت مرستیال تیمور ایوانوف د رشوت اخیستو په شک ونیول شو.
د روسیې د تحقیقاتو کمیټې د دفاع د مرستیال وزیر تیمور ایوانوف د توقیف په اړه څرګندونې وکړې.
