روسیې د چک جمهوریت د ۲۰ تنو ډیپلوماټانو د شړولو پریکړه وکړه.
روسیې چک جمهوریت ته بالمثل ځواب ورکړ
روسیې د بهرنیو چارو وزارت چک جمهوریت ته باالمثل ځواب ورکړ.
روسیې په مسکو کې د چک جمهوریت د سفارت ۲۰ تنو ډیپلوماټانو د ډیپورتولو پریکړه وکړه.
د روسیې د بهرنیو چارو وزارت د بیان په خپرولو سره ویلي دي چې په مسکو کې د چک جمهوریت سفیر ویټسلاو پیونکا د بهرنیو چارو وزارت ته راغوښتې او هغه ته يي یاداشت ورکړی دی.
همداشان د چک جمهوریت سفیر ته د چک د مقاماتو لخوا په پلازمینه پراګ کې د روسیې د ډیپلوماټانو سره د دوستۍ د شان نه د لرې چلند له امله اعتراض وړاندې شوی دی.
په بیان کې راغلي دي چې ددې ترڅنګ د چک جمهوریت سفیر ته په مسکو کې د چک د سفارت د شلو تنو ډیپلوماټانو د نامطلوبه اشخاصو په توګه د اعلانیدو او د اپریل تر ۱۹ مې د دوشنبې ورځې تر پایته پورې د روسیې د خاورې نه د وتو غوښتنه شوې ده .
همداشان د چک پلو نه په مسکو کې د خپل سفارت د کارکوونکو شمیره په پراګ کې د روسیې د سفارت د کارکوونکو د شمیرې سره د مساوي کولو غوښتنه شوې ده.
د یادولو وړ ده چې د چک جمهوریت تیره ورځ په پراګ کې د روسیې د سفارت ۱۸ تنه ډیپلوماټانو د شړولو پریکړه وکړه.
د چک جمهوریت لومړي وزیر اندریژ بابیش تیره ورځ وویل چې د روسېې د سفارت ۱۸ تنه ډیپلوماټان د اسختباراتو لپاره کار کوي او داسې قوي شک او شبهې شتون لري چې په ۲۰۱۴ کال کې د چک په سویل کې د مهماتو د ډیپو په چاودنه کې لاس درلود.
هغه وویل چې د همدې امله يي ددې ۱۸ تنو روس ډیپلوماټآنو نه د ۴۸ ساعتونو په دننه کې د چک جمهوریت د خاورې نه د وتو غوښتنه کړې ده.
د بله پلوه امریکا متحده ایالتونو د چک جمهوریت ددې پریکړې نه ملاتړ اعلان کړی دی.
د امریکا د بهرنیو چارو وزارت ویاند پرایس وویل چې د چک جمهوریت نه د روسیې لخوا د چک جمهوریت په خاوره کې د ورانکارانه فعالیتونو د ترسره کولو ته د سخت ځواب ورکولو له امله ملاتړ کوو او ددوې ترڅنګ ولاړ یو.
د روسیې لخوا زمونږ د متحدینو او شریک هیوادونو مځکنۍ بشپړتیا ، انرژۍ امنیت او مهمو بڼسټونو ته د ضرر رسولو او تهدید په مقابل کې باید چپه خوله پاتې نشو او خامخا ځواب ورکړو.