کرملین ماڼۍ د ولسمشر ولادیمیر پوتین کلني عواید اعلان کړل
د روسیې د ولسمشرۍ ماڼۍ د ولسمشر ولادیمیر پوتین، لومړي وزیر میخایل میشوستین او د ولسمشرۍ ماڼۍ د ویاند دیمیتري پیسکوف کلني عواید اعلان کړل.
د روسیې د ولسمشرۍ ماڼۍ کرملین ویلي دي چې په ۲۰۲۰ میلادي کال کې د یو کال مخکې په پرتله د ولسمشر ولادیمیر پوتین عواید دوه سلنې په ډیریدو سره ۹ عشاریه ۹ میلیونه روبلو ته چې ۱۳۰ زره امریکايي ډالره کیږي لوړ شوي دي.
کرملین ماڼۍ ویلي دي چې په ۲۰۱۹ میلادي کال کې د ولسمشر ولادییمیر پوتین کلني عواید ۹ عشاریه ۷ میلیونه روسي روبله وو چې په ۲۰۲۰ کال کې بیا ۹ عشاریه ۹ میلیونو روبلو ته لوړ شوي دي.
همداشان په ۲۰۲۰ کال کې د روسیې لومړي وزیر میخایل میشوستین ۱۹ عشاریه ۹ میلیونه روسي روبله چې ۲۵۰ زره امریکايي ډالره کیږي او د کرملین ماڼۍ ویاند دیمیتري پیسکوف بیا ۱۲ عشاریه ۵ میلیونه روسي روبله چې ۱۵۰ زره امریکايي ډالره کیږي عواید ترلاسه کړي دي.
د کرملین ماڼۍ ویلي دي چې ولسمشر ولادیمیر پوتین دوه د اپارتمان کورونه ، ۳ د موټرو ګاراژونه او دوه هم شخصي موټرې لري.
کرملین ماڼۍ بیا د ولسمشر ولادیمیر پوتین د نقدي او په بانکونو کې د شتمنۍ په اړه څه ندي ویلي.
اړوند خبرونه
د روسیې د دفاع وزارت مرستیال تیمور ایوانوف د رشوت اخیستو په شک ونیول شو.
د روسیې د تحقیقاتو کمیټې د دفاع د مرستیال وزیر تیمور ایوانوف د توقیف په اړه څرګندونې وکړې.
