په اندونیزیا او ختیځ تیمور کې د سیلاونو له امله ۱۵۵ تنو ژوند د لاسه ورکړی
په اندونیزیا او ګاونډي هیواد ختیځ تیمور کې د سیلاونو له امله په لسګونو تنو ژوند د لاسه ورکړی
په اندونیزیا او ختیځ تیمور کې د زورورو بارانونو د اورښت په نتیجه کې د راوتلو سیلاونو او مځکښویدونو له امله د مړو شمیره ۱۵۵ تنو ته لوړه شوه.
د اندونیزیا د ناورین ملي ادارې د بیان په خپرولو سره ویلي دي چې په هیواد کې د وروستیو سیلاونو او مځکښویدونو په نتیجه کې د ختیځ نوسا تنګره ایالت اړوند لیمباګا په ښار کې ۶۷ تنو مړي، په ختیځ فلوریس کې د ۴۹ تنو مړي او په الور سیمه کې د ۱۲ تنو مړي تر اوسه پورې موندل شوي دي.
د سیلاونو او مځکښویدونو نه وروسته د لا درکه شوو ۷۲ تنو د موندولو په خاطر د پلټنې چارې او عملیات دوام لري.
د بله پلوه د اندونیزیا ګاونډي هیواد د ختیځ تیمور په پلازمینه دیلي او شاوخوا ولایتونو کې د سیلاونو له امله ۲۷ تنو ژوند د لاسه ورکړی دی.
په ختیځ تیمور هیواد کې تیره ورځ د راوتلو سیلاونو نه وروسته په زرګونو تنه چې د ګواښ لاندې قرار درلود تخلیه شوي او خوندي سیمو کې ځای په ځای شوي دي.
اړوند خبرونه
د استرالیا په سیډني ښار کې په یوې کلیسا کې د چړې په برید کې ۴ تنه ټپیان شوي دي.
د ۹ نیوز د خبر له مخې د سیډني په کریسټ دی ګډ شیفرډ کلیسا کې د چړې برید شوی.
