په امریکا کې د ټرمپ د پلویانو لخوا د کانګرس پر ودانۍ برید
د امریکا متحده ایالتونو د کانګرس ودانۍ د ولسمشر ډونلد ټرمپ د پلویانو لخوا د اشغال نه وژغورل شوه .
د کانګرس ودانۍ پداسې حال کې د ټرمپ د پلویانو لخوا اشغال شوه چې د نوامبر په ۳ مه نیټه د ترسره شوو ولسمشرۍ ټاکنو پایلې د کانګرس لخوا په رسمي توګه تاییدلې.
د کانګرس غړیو د غونډې د پیلولو نه وروسته د ټرمپ پلویانو د کانګرس پر ودانۍ برید وکړ او ودانۍ ته ننوتل.
ټرمپ په زرګونو تنه پلویانو چې په پلازمینه واشنګټن کې د کانګرس ودانۍ په مخکې راټول شوي وو وروسته د پولیسو د ټولو موانعو نه په تیریدو سره کانګرس ته ننوتل او کانګرس ودانۍ يي اشغال کړه.
د کانګرس د ننۍ غونډې مشري د ټرمپ مرستیال مایک پنس کوله چې هغه د امنیتي دلایلو له امله د کانګرس ته خوندي ځای ته انتقال کړی شو.
د امریکا ولسمشر ټرمپ خپلو پلویانو کورونو ته ستانه شۍ غږ وشو. هغه په خپلو پلویانو د پولیسو سره مرسته وکړۍ او په سوله ایزه توګه مظاهرو ته دوام ورکړۍ غږ وکړ.
د بله پلوه د امریکا د کانګرس په ودانۍ د برید پر مهال او بهر د مظاهرو په ترڅ کې د ټرمپ ۴ تنه پلویانو په ډزو کې وژل شوي او ۵۲ تنه نور نیول شوي دي.
د واشنګټن د پولیسو مشر روبیرت کونټي ویلي دي چې د کانګرس د ودانۍ د پيښو پر مهال ټپي شوې میرمنې په روغتون کې ساه ورکړه. پدې پيښو کې جمعآ ۴ تنه مړه شوي چې دوه يي میرمنې او دوه تنه یي نارینه دي. هغه ویلي دي چې نوموړو ټولو په روغتون کې ساه ورکړې ده.
همداشان د کانګرس د ودانۍ ترڅنګ چاودیدونکي توکي هم موندل شوي دي.
د امریکا په پلازمینه واشنګټن کې د تیر ماښام د ۶ بجو نه وروسته د شپې ګرځبندیز اعلان شو.
همداشان د شاوخوا ښارونو نه په سلګونو تنه پولیس پلازمینې واشنګټن ته راغوښتل شوي دي.
د امریکا نوي منتخب ولسمشر جو بایدن د ټرمپ د پلویانو لخوا د کانګرې د اشغالولو په اړه ډیر سخت غبرګون وښود.
هغه وویل چې دا پيښې د امریکا په تاریخ کې بې ساري دي. هیڅکله هم داسې پيښه نده رامنځته شوې. هغه د ټولو مظاهره کوونکو او د کانګرس اشغالوونکو نه غوښتنه کړې ده چې هر څه ژر د کانګرس اشغال ته د پای ټکی کیږدي او خپلو کورونو ته ستانه شي.
همداشان هغه د ټرمپ نه غوښتي چې د تلویزیون په پرده راښکاره شي او خپلو پلویانو نه د کانګرس اشغال د پایته رسولو غوښتنه وکړي. بایدن ویلي دي چې دا اعتراض ندی په اصل کې شورش دی.
همداشان د پنسلوانیا ایالت والي ټام والف په واشنګټن کې د ټرمپ د پلویانو لخوا پر کانګرس د برید او اشغال نه د کودتا د تشبث په توګه یادونه کړې ده .
د بله پلوه د نیویارک والي اندریو کوومو د خپل ټویټر پاڼې له لارې ویلي دي چې د امریکا د ملي ګارد په غوښتنه مې د نیویارک ښار ۱۰۰۰ تنه ملي ګارد سرتیري د دوو اونیو لپاره په پلازمینه واشګټن کې په دنده وګمارل .
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی