د یمن پوځ د شبوه په ولایت کې د حوثي یاغیانو وروستۍ قلعه د عین ولسوالۍ هم ونیوله.
د یمن پوځ حوثي یاغیانو ته یو بل ګوزار ورکړ
د یمن پوځ د هیواد په سویل ختیځ کې د شبوه په ولایت کې د حوثي یاغیانو وروستۍ قلعه د عین ولسوالۍ هم ونیوله.
د یمن د مشروع حکومت امنیتي سرچینو ویلي دي چې د یمن وسله والو پوځ ځواکونو د شبوه په ولایت کې د ایران د قوي ملاتړ نه برښمند د حوثي یاغیانو په وروستۍ قلعه او سنګر د عین پر ولسوالۍ عملیات ترسره کړل او دا ولسوالي هم د حوثي یاغیانو نه ونیوله.
د پوځ ځواکونو په ولسوالۍ کې د پټو شوو حوثي یاغیانو د نیولو او ولسوالۍ په کامله توګه د تصفیه کولو په خاطر د پلټنې عملیات پیل کړی دی.
د سرچینې په وینا د عین د ولسوالۍ د نیولو سره د شبوه ولایت په کامله توګه د یمن د پوځ تر کنټرول لاندې راغلی. د شبوه ولایت د نفتو د زیرمو له پلوه د یمن تر ټولو بډایه ولایت دی.
حوثي غیانو د عین ولسوالۍ د لاسه ورکولو نه وروسته مارب او البیضاء ښارونو ته په شا شوي دي.
حوثي یاغیانو تر اوسه پورې ددې پرمختګ په اړه څه ندي ویلي.
د ویلو ده چې حوثي یاغیانو د ۲۰۲۱ کال د سپټمبر په میاشت کې د شبوه ولایت د بیخان، عین او عسیلان ولسوالۍ نیولي وې. د یمن پوځ د جنوري په لومړۍ نیټه د پیل کړو عملیاتو په ترڅ کې د عین او عسیلان ولسوالۍ بیرته نیولې وې او عین ولسوالۍ پاتې وه چې دا ولسوالۍ هم ونیوله.
اړوند خبرونه
د غزې په تړانګه کې د اسرائیلو په بریدونو کې د وژل شوو فلسطینیانو شمیر ۳۲ زره ۵۵۲ تنو ته لوړ شو.
اسرائیل د اکتوبر له اوومې راهیسې په غزه کې قتل عام ته د خپل ټول توان سره دوام ورکوي.