په اسرائیل کې د عرب او یهودي اسرائیلي وګړو ترمنځه نښتو په اسرائیل کې جدي اندیښنې پارولي دي
په اسرائیل کې د یهودي اسرائیلیانو او عرب اسرائیلیانو ترمنځه پيل شوې نښتې دوام لري.
د اسرائیل د حیفای په ښار کې د یهودیانو او عرب اسرائیلي وګړو ترمنځه نښته د خپل ټول شدت سره دوام لري. یو زیات شمیر افراطي یهودیانو د عرب اسرائیلي وګړو پر دوکانونو ، کورونو او سوداګریزو مرکزونو بریدونه کړي دي.
د اسرائیل لومړي وزیر نتیاهو د هیواد په دننه کې د خپلو منځیو اختلافاتو او نښتو په اړه ژوره اندیښنه ښودلې ده .
نتنیاهو ویلي دي چې د هیواد دننه د یهودي او عرب اسرائیلیانو ترمنځه نښته د حماس سره د پوځي نښتو پر تله په مراتبو خطرناکه ده. هغه وویل چې د اسرائیل په ځينو ښارونو کې دې نښتو اندیښمن کړی دی.
د بله پلوه د امریکا متحده ایالتونو د بهرنیو چارو وزیر انتوني بلینکن خبري غونډې ته د اسرائیلو په یو زیات شمیر ښارونو کې د خپلو منځنیو نښتو پخلی کړی دی. هغه ویلي دي چې د اسرائیل په یو زیات شمیر ښار د عرب او یهودي اسرائیلي وګړو ترمنځه نښتې او تاوتریخوالی دوام لري. همداشان هغه د دوو دولتونو په حل لارې ټینګار وکړ.
هغه وویل چې فلسطیني او اسرائیلي وګړي باید د مساوي حقونو ، ازادیو ، رفاه او عزت خاوندان وي.
اړوند خبرونه
د غزې په تړانګه کې د اسرائیلو په بریدونو کې د وژل شوو فلسطینیانو شمیر ۳۲ زره ۵۵۲ تنو ته لوړ شو.
اسرائیل د اکتوبر له اوومې راهیسې په غزه کې قتل عام ته د خپل ټول توان سره دوام ورکوي.