د افغانستان په لویدیځ کې په هرات ولایت کې درنده چاودنه شوې ده .
په هرات کې چاودنې ۱۶ تنو ته مرګ ژوبله اړولې ده
د افغانستان په لویدیځ کې په هرات ولایت کې درنده چاودنه شوې ده .
د هرات ولایت مقاماتو ویلي دي چې نن خالي ورځ د جنوري ۲۲ نیټه په ځايي وخت د ماسخوتن د ۶ بجو او ۵۰ دقیقو په شاوخوا کې د دولسمې ناحیې په مربوطاتو کې چاودنه وشوه.
ویل کیږي چاودنه د حاجي عباس په سیمه کې رامنځته شوې ده .
د هرات ولایت د امنیې قومندانۍ ویلي دي چې چاودنه په یو موټر کې د نخلول شوي ماین د چاودیدو په نتیجه کې رامنځته شوې ده .
د هرات ولایت د استخباراتو د رسنیو مسئول خبري رسنیو ته ویلي دي چې چاودنه د یو موټر په ټانکې کې د ځای په ځای شوي ماین د چاودیدو له امله رامنخته شوې ده .
په چاودنه کې لږ ترلږه ۷ تنو ژوند د لاسه ورکړی او ۹ تنه نور ټپیان شوي دي.
د بله پلوه د هرات ولایت حوزي روغتون ویلي دي چې د پيښې د قربانیانو او ټپيانو لویه برخه ښځې دي.
پدې پیښه کې ۴ تنو میرمنو او ۳ تنو نارینو په ګډون ۷ تنه مړه او د پنځو تنو ښځو او ۴ تنو نارینو په ګډون ۹ تنه نور ټپيان شوي دي.
د برید مسئولیت تر اوسه پورې کومې ډلې په غاړه ندی اخیستی.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی