بلینکن د خلیلزاد د استعفا پخلی وکړ

د امریکا د بهرنیو چارو وزیر  بلینکن د  افغانستان لپاره د امریکا متحده ایالتونو د ځانګړي‌ استازي‌ زلمي‌ خلیلزاد د استعفا کولو پخلی وکړ. بلینکن ویلي دي‌ چې خلیلزاد د استعفا کولو نه وروسته د هغه مرستیال توماس ویست د افغانستان لپاره د امریکا د ځانګړي‌ استازي‌ په توګه په دنده ګمارل شوی دی.

انتوني‌ بلینکن پدې اړه د بیان په خپرولو سره ویلي‌ دي‌ چې " د افغانستان لپاره د امریکا متحده ایالتونو ځانګړي‌ استازي‌ زلمي‌ خلیلزاد له خپلې دندې نه استعفا وړاندې کړې ده . د ښاغلي‌ خلیلزاد نه د څو لسیزو راهیسې د امریکا خلکو د ترسره کړو خدماتو له امله ډیره زیاته مننه کوو او قدرداني‌ کوم. ددینه وروسته به د  ښاغلي‌ خلیلزاد مرستیال توماس ویسټ  د هغه دنده پر مخ یوسي او هغه  د افغانستان لپاره د امریکا ځانګړي‌ استازي په توګه وټاکل شو. "

بلینکن ویلي‌ دي‌ چې توماس ویسټ د ولسمشر جو بایدن د ولسمشر د مرستیالۍ پر مهال د هغه د ملي‌ امنیت په ډله کې دنده ترسره کوله   او ددینه وروسته به د  افغانستان په اړه  د امریکا ډیپلوماتیکو هلو ځلو مشري‌ وکړي.

زلمی خلیلزاد چې د امریکا د پخواني‌ ولسمشر ډونلد ټرمپ‌ لخوا د افغانستان لپاره د امریکا د ځانګړي‌ استازي‌ په توګه ټاکل شوی وو د طالبانو سره د مذاکراتو په برخه کې ډیر مهم رول درلود.