په کندهار کې د جمعې د لمانځه پر مهال د جومات په دننه کې چاودنې په لسګونو تنو ته مرګ ژوبله اړولې
تیره جمعه په کندوز ولایت کې د جمعې د لمانځه پر مهال په جومات کې د چاودنې نه وروسته پدې جمعه کې په کندهار ولایت کې د جومات په دننه کې د جمعې د لمانځه پر مهال چاودنه وشوه
د افغانستان په کندهار ولایت کې د جومات دننه د جمعې د لمانځه پر مهال چاودنه شوې ده .
د کندهار ولایت نه ترلاسه شوي رپوټ له مخې چاودنه د جمعې د لمانځه پر مهال د شیعه ګانو د یو جومات په منځ کې شوې ده .
عیني شاهدانو خبري رسنیو ته ویلي دي چې دا چاودنه د کندهار په لومړۍ ناحیه کې د امام بارګاه په جامع جومات کې دننه رامنځته شوې ده.
د لومړنیو معلوماتو له مخې پدې چاودنه کې په لسګونو تنو ته مرګ ژوبله اوښتې ده.
سره ددې چې تر اوسه پورې د ځاني تلفاتو دقیقه شمیره معلومه نده خو ویل کیږي چې تر اوسه پورې ۳۲ تنه مړه او څه باندې ۵۰ تنه نور ټپیان شوي دي.
د پيښې د ځای نه په نشر شوو ویدیوګانو او انځورونو کې ښکاري چې د مرګ ژوبلې شمیره د ښودل شوې شمیرې نه ډیره زیاته لوړه ده.
د برید مسئولیت تر اوسه پورې کومې ډلې په غاړه ندی اخیستی.
د ویلو ده چې د تیرې جمعې پر ورځ هم د افغانستان د کندوز په ولایت کې د شیعه ګانو د یو جامع جومات په دننه کې چاودنه شوې وه چې له امله يي په لسګونو تنو ته مرګ ژوبله اوښتې وه.
د تیر برید مسئولیت داعش ترهګرې ډلې په غاړه اخیستی وو. ددې برید مسئولیت تر اوسه پورې چا په غاړه ندی اخیستی.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی
