د رویټرز هندي خبریال په افغانستان کې ووژل شو
د رویټرز خبري اژانس هندي خبریال په کندهار ولایت کې ووژل شو
د افغانستان د کندهار په ولایت کې د رویټرز خبري اژانس هندي خبریال او عکاس دانش صدیقي د خبر جوړولو پر مهال ووژل شو.
د افغانستان د وسله والو ځواکونو یو تن قومندان د رویټرز خبري اژانس ته ویلي دي چې د رویټرز هندي خبریال چې د کندهار د سپین بولدک د عملیاتو پر مهال په خبر جوړولو بوخت وو د طالبانو په برید کې ووژل شو.
نوموړي افغان قومندان ویلي دي چې پدې برید کې یو تن افغان افسر هم ژوند د لاسه ورکړی .
هغه ویلي دي چې هندي خبریال صدیقي د تیرې یوې اونۍ راهیسې د افغان ځواکونو د عملیاتو د څارولو او سیمې نه د تازه خبرونو د جوړولو په خاطر د افغان ځواکونو سره ملګرتیا کوله.
د رویټرز خبري اژانس رئیس او مسئول مدیر ویلي دي چې ددې پيښې په اړه د لا زیاتو معلوماتو د ترلاسه کولو په خاطر د سیمه ایزو مقاماتو سره د تماس په حال کې دي.
د رویټرز خبري اژانس د هندي خبریال د وژنې په اړه د ژور خفګان په ښودلو سره ویلي دي چې نوموړی ډیر ټکره خبریال ، یو ډیر ښه پلار او ډیر ښه همکار وو. د نوموړي کورنۍ ته د تسلیت مراتب وړاندې کړي دي.
د ویلو ده چې نوموړی نن جمعه د طالبانو لخوا ووژل شو.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی