په کندهار کې پر مساپر وړونکي بس موټر چاودنه شوې
په کندهار کې چاودنه شوې
1662925
د افغانستان د کندهار په ولایت کې په یو مساپروړونکې ۴۰۴ ډوله بس موټر چاودنه شوې ده .
د کندهار ولایت نه د ترلاسه شوو معلوماتو له مخې دا چاودنه د کندهار – هرات په لویه لاره کې د میوند په ولسوالۍ کې رامنځته شوې ده .
د لومړنیو معلوماتو له مخې پدې پیښه کې ۲۴ تنو مساپرو ته مرګ ژوبله اوښتې ده .
د کندهار ولایت حوزوي روغتون مسئولینو ویلي دي چې ددې پيښې د ځای نه ۵ مړي او ۱۹ تنه ټپیان ددوې روغتون ته راوړل شوي دي.
سیمه ایزو مقاماتو ویلي دي چې پدې بس موټر د سړک د غاړې د ماین چاودنه شوې ده .
ویل کیږي په وژل شوو او ټپیانو کې ښځې او ماشومان هم شتون لري.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی