په افغانستان کې یو تن بل ژورنالست او ټکړه ویاند ووژل شو
په افغانستان کې یو ځل بیا یو خصوصي تلویزیون نطاق د نامعلومو وسله والو په ډزو کې ووژل شو.
1635153
د افغانستان د مالیې وزارت د رسنیو د څانګې آمر او د طلوع نیوز خصوصي تلویزیون پخوانی نطاق نعمت روان نن په کندهار ولایت کې د نامعلومو وسله والو لخوا په ډزو ووژل شو.
د کندهار ولایت امنیتي مقاماتو ویلی دي چې نعمت روان نن د غرمې په ساعتونو کې د کندهار ولایت د ۱۴ امنیتي حوزې په مربوطاتو کې وژل شوی دی.
د کندهار د امنیې قومندانۍ د امنیت امر غورځنګ افریدي خبري رسنیو ته ویلي دي چې پر نعمت روان د دوو تنو برید کوونکو لخوا ډزې شوي دي او برید کوونکي د برید نه وروسته په تیښته بریالي شوي دي.
د ویلو ده چې نعمت روان د ۳ ورځني رخصتۍ د تیرولو په خاطر کندهار ته سفر کړی وو.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی