په مزار شریف ښار کې د شاهین ۲۰۹ قول اردو د روغتون سرطبیب ووژل شو
د افغانستان په شمال کې د ۲۰۹ شاهین قول اردو د روغتون سرطبیب ووژل شو.
1619200
د ۲۰۹ شاهین قول اردو د روغتون سرطبیب صالح محمد صمیم د ناپیژاندو وسله والو لخوا وژل شوی دی.
د بلخ ولایت د پولیسو ویاند عادل شاه عادل خبري رسنیو ته ویلي دي چې نن دوشنبه د اپریل ۱۲ مه د سهار د ۶بجو او ۵۰ دقیقو په شاوخوا کې د ۲۰۹ شاهین قول اردو د روغتون په سرطبیب مرګونی برید وشو.
د هغه په وینا نا پیژاندو موټرسایکل سپرو وسله وال د مزار شریف ښآر د پنځمې حوزې په مربوطاتو کې د کارته فردوسي په سیمه کې د سرطبیب په رینجر ډوله موټر ډزې وکړې چې په نتیجه کې سرطبیب او د هغه موټر چلوونکي ژوند د لاسه ورکړ.
د برید مسئولیت تر اوسه پورې چا په غاړه ندی اخیستی. پولیسو هم تر اوسه پورې ددې پيښې په تړاو څوک نیولي ندي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی