په جلال آباد کې خونړۍ چاودنه شوې ده
په جلال آباد کې چاودنې ګن شمیر کسانو ته مرګ ژوبله اړولې ده
1616146
د افغانستان د ننګرهار ولایت په مرکز جلال آباد ښار کې خونړۍ چاودنه شوې ده .
د ننګرهار ولایت د والي ویاند عطاءالله خوګیاڼي خبري رسنیو ته ویلي دي چې نن چارشنبه د اپریل ۷ مه نيټه سهار د شپږو بجو په شاوخوا کې د جلال آباد د دویمې حوزې په مربوطاتو کې د ماین چاودنه شوې ده .
هغه ویلي دي چې چاودنه د سړک په غاړه کې په یو ګلدان کې د ځای په ځای شوي ماین له کبله شوې ده .
هغه ویلي دي چې له بده مرغه پدې پيښه کې ۲۰ تنو ته مرګ ژوبله اوښتې ده .
د هغه په وینا پدې پیښه کې ۲ تنه ملکي وګړي مړه او د ۳ تنو پولیسو او ۱۵ تنو ملکي وګړو په ګډون ۱۸ تنه ټپیان شوي دي.
د برید مسئولیت چا په غاړه ندی اخیستی.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی
