په هرات کې د سیمه ایزو پاڅونوالو پر قرارګاه د موټر بم برید شوی
د افغانستان په لویدیځ کې په هرات ولایت کې د سیمه ایزو پاڅونوالو په یوې قرارګاه د موټر بم برید شوی دی.
1590478
د هرات والي سید وحید قتالي خبري رسنیو ته ویلي دي چې تیره شپه د کهسان په ولسوالۍ کې د سیمه ایزو پاڅونوالو پر قرارګاه د موټر بم برید شوی دی. هغه پدې پيښه کې د مرګ ژوبلې په اړه څه ندي ویلي.
د بله پلوه سیمه ایزو رسنیو بیا د عینې شاهدانو د او ځینو امنیتي سرچینو له قوله ویلي دي چې دا برید تیره شپه د هرات ولایت کهسان ولسوالۍ د قدوس آباد په سیمه کې شوی دی.
لومړی د سیمه ایزو پاڅونوالو پر قرارګاه د موټر بم برید وشو او وروسته پرې وسله وال برید وشو.
پاڅونوالو سخت مقامت وکړ او نښتې څو ساعته دوام وکړ. پدې برید کې لږ تر لږه ۶ تنه سیمه ایز پاڅونولو ژوند د لاسه ورکړی او ۴ تنه نور ټپیان شوي دي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی