د افغانستان په پلازمینه کابل کې چاودنه شوې ده .
د کابل د کارته نو په سیمه کې چاودنه شوې
1560537
د افغانستان په پلازمینه کابل کې چاودنه شوې ده .
د کابل نه د ترلاسه شوي رپوټ له مخې چاودنه د اتمې امنیتې حوزې په مربوطاتو کې د کارته نو په سیمه کې شوې ده .
عینې شاهدانو ویلي دي چې چاودنه په یو موټر شوې ده چې په لوی ګمان د مقناطیسي بم پرمټ شوي وي.
د افغانستان د کورنیو چارو وزارت ویاند ویلي دي چې چاودنه د عامه ساتنې د ملي تصدۍ د ویاند ضیا ودان پر موټر شوې ده چې نوموړي په ګډون ۳ تنو پکې ژوند د لاسه ورکړی یو تن بل ټپي شوی دی.
هغه ویلي دي چې چاودنه د سهار په ۸ بجو او ۳۰ دقیقو په شاوخوا کې رامنځته شوې ده . هغه د چاودنې پړه پر طالبانو اچولې ده. طالبانو د برید په اړه تر اوسه څه ندي ویلي.
په ټولنیزو رسنیو کې د چاودنې په خپرو شوو تصویرونو کې ښکاري چې یو موټر په کامله توګه اور اخیستی او د اور لمبې ترینه پورته کیږي.