АКШнын жетекчилигиндеги миссиясы жана бизнести өнүктүрүү форуму Стамбулда өтөт

Түркия 16 жылдан кийин Америка Кошмо Штаттарынын  жетекчилигиндеги соода миссиясы жана бизнести өнүктүрүү форуму  "Trade Winds Europe/Eurasiaны" өткөрөт

13 - 15 - майда Стамбулда өтө турган форумга 300дөн ашуун катышуучу келет.

Тажрыйбалуу өнөр жай адистери жана мамлекеттик мекемелердин эксперттери менен таанышуу мүмкүнчүлүгүнөн тышкары катышуучулар АКШнын “коммерциялык дипломаттары” менен жекеме-жеке жолугушуулар, мыкты өнөр жай потенциалын ачуу, америкалык жана дүйнөлүк компаниялар менен жаңы байланыштарды түзүү сыяктуу мүмкүнчүлүктөргө ээ болушат.

АКШнын Соода министрлигинин  Түркия жана Стамбулду тандоосу инвесторлорго жана иш дүйнөсүнө  маанилүү, күчтүү жана дем берүүчү билдирүү катары каралууда.

Форумга катыша турган америкалык компаниялардын негизинен энергетика, авиациялык жана коргонуу, коопсуздук,  саламаттыкты сактоо жана спутник технологиялары секторлорунан болушу күтүлүүдө.

Экономика министринин орун басары Этьен Лебейли иш-чаранын маанисине  токтолуп буларды айтты : "Түркиянын географиялык жайгашуусу берген артыкчылык  Европа жана Азия менен бир эле учурда иштей ала тургандыгы. Буга өндүрүш тармагындагы жогорку сапат кошулганда, Түркия АКШ компаниялары үчүн  тартуучу күчкө ээ болууда. Форумду өткөрүү  чоң атаандаштыкты талап кылган процесс.  Бул жагынан алганда Түркия менен Стамбулдун тандалышы кокустук эмес. Түркия АКШ компаниялары үчүн өзүнчө идеалдуу базар."