Түрк коргоо өнөр жайы Кытай басма сөзүндө

Түрк коргоо өнөр жайы өнүмдөрүнүн экспорттук ийгилиги дүйнөнүн күн тартибинде...

Дүйнөлүк басма сөз, Түркиянын рекорддук деңгээлге жеткен коргоо өнөр жайы экспортуна жакындан байкоо салууда.

Бул ийгилик кытай басма сөзүндө кайрадан күн тартибине чыкты.

Кытай армиясына караштуу Улуттук коргонуу гезити «Түркиянын коргоо өнөр жайынын экспорту рекорддук деңгээлге жетти» деген макала жарыялады.

Гезитте коргоо өнөр жайы экспортунун өткөн жылы 25 пайызга өсүп 5 миллиард 500 миллион долларга жеткени баса белгиленди.

Түркиянын бул көрсөткүчтөр менен дүйнөлүк курал-жарак рыногунда 12-орунга көтөрүлгөнү маалымдалды.  

Кабарда өнүмдөрдүн көптөгөн өлкөлөргө экспорттолуп жатканына көңүл бурулду.

«Түркия кургактык унааларынан учкучсуз учуучу аппараттарга чейин эң заманбап продукцияларды экспорттоодо»,- деп жазылды.

Түркиянын коргоо өнөр жайы продукцияларынын НАТО стандарттарына туура келгени жана альянска мүчө өлкөлөрдөн Жакынкы Чыгыш өлкөлөрүнө чейин экспорттолгону эске салынды.

Кабарда түрк коргоо өнөр жайы экспортунун ылдам өсүү себептерине да орун берилди.

Түркиянын күчтүү техникалык маалымат тажрыйбасынан тышкары коргоо өнөр жайынын өнүгүүсүнө жана экспортуна өкмөттүн активдүү колдоо көрсөтүп жатканы түшүндүрүлдү.