Октай Алжир менен Түркиянын илимпоздорун биргелешип иштөөгө чакырды

Вице-президент Фуат Октай түрк жана алжир илимпоздорун бирге ойлонууга, долбоорлоого жана өндүрүүгө чакырды.

Фуат Октай Стамбул университетинде Алжирдин президенти Абдулмежит Теббун үчүн уюштурулган Ардактуу докторлук сыйлыгын тапшыруу аземинде сөз сүйлөдү.

Эки дос жана боордош өлкөнүн 500 жылдык тарыхы бар экенин белгилеген Октай, эки өлкөнүн ортосунда 60 жылдан бери тыгыз дипломатиялык карым-катнаштардын уланып келе жатканын эске салды.

Октай Алжир менен Түркиянын ортосунда соода, инвестиция, маданият жана билим берүү сыяктуу көптөгөн тармакта күчтүү кызматташтык бар экенин айтты.

Фуат Октай Түркиянын дос өлкөлөр менен болгон маданий дипломатия мүмкүнчүлүктөрүн эффективдүү колдонуу үчүн аракет кылып жатканын белгилеп: «Алжирден жана Түркиядан илимпоздорду бирге ойлонууга, долбоорлоого жана илимий өндүрүш жасоого чакырам. Келгиле, новатордук технологиялар, энергетика жана жаратылыш ресурстары, кеме жана деңиз технологиясы, жашыл технологиялар жана санариптештирүү, ошондой эле коомдук илимдер сыяктуу көптөгөн тармактарда бирге инновацияларды жасайлы»,- деди.

Октай Түркиянын бул эрктин конкреттүү натыйжаларга айланышы үчүн колдоосун көрсөтө турганын айтты.