Акар азербайжандык кесиптеши менен сүйлөштү

Улуттук коргоо министри Хулуси Акар Азербайжандын коргоо министри Закир Хасанов менен телефон аркылуу сүйлөштү.

Министрликтин Твиттердеги баракчасынан берилген маалыматта, сүйлөшүүдө Хасановдун жикчил террор уюму ПКК/ЙПГ тарабынан мурунку күнү Акчакале чек ара тилкесине жайгаштырылган колго жасалган жардыргыч заттардын жарылышынан 3 аскердин шейит болушуна байланыштуу Акарга көңүл айтканы белгиленди. 

Билдирүүдө ошондой эле сүйлөшүүдө аскердик машыгуу жаатындагы кызматташуу иш-аракеттери боюнча пикир алмашылганы айтылды.