Акчакале чек ара сызыгында 12 террорист жок кылынды

Шанлыурфанын Акчакале районунда 3 аскер шейит болгон колго жасалган жардыргыч зат  менен кол салуусунан кийин жикчил террордук уюм ПКК/ЙПГнын буталары ок атуучу колдоо техникалары менен атылышынын натыйжасында 12 террорист жок кылынды.

Улуттук коргоо министрлигинен берилген маалыматта Акчакале чек ара сызыгында 3 аскер шейит болгон колго жасалган жардыргыч зат менен кол салуусунан кийин жикчил террордук уюм ПКК/ЙПГнын буталары ок атуучу колдоо техникалары менен аткыланганы белгиленди.

Алгачкы аныктоолор боюнча 12 террорист жок кылынганы маалымдалган билдирүүдө: «Аймакта террористтерге каршы операцияларыбыз уланууда. Шейиттерибиздин канын эч качан жерде калтырган жокпуз, эч качан калтырбайбыз. Баатыр куралдаш жолдошторубузга Аллахтан ырайым, кайгылуу үй-бүлөлөрүнө кайраттуулук жана сабыр тилейбиз”,делди.

Улуттук коргоо министрлиги мурунку билдирүүсүндө Акчакале районундагы чек ара тилкесинде террористтер тарабынан коюлган колго жасалган жарылуучу заттын жарылышынын натыйжасында 3 аскер шейит болгонун билдирген.