Хулуси Акар Босния Герцеговинада Мехметчик менен жолугушту
Хулуси Акар расмий сапарын аяктап Босния - Герцеговинадан чыгып, Косового барды.
Улуттук коргоо министри Хулуси Акар : "Босния - Герцеговинада болуп жаткан окуяларды кылдаттык менен байкап жатабыз. Кандай максатта болбосун, жикчил аракеттер эч кимге пайда алып келбейт. Биз ар дайым "биримдик, бүтүндүк" деп айтабыз, Босния - Герцеговинанын бар болушун каалайбыз",- деди.
Акар расмий сапарынын алкагында барган борбор шаар Сараеводогу Босния - Герцеговина түрк өкүлчүлүгүнүн төрагалыгына да барды. Бөлүккө барган Акар бөлүктүн ардак дептерине кол коюп, брифинг алды жана жолдомо берди.
Босния - Герцеговина түрк төрагалыгынын кызматкерлерине кайрылган Акар бул милдеттин маанисине басым жасады.
Бул жерде жооптуу Мехметчиктин бир жагынан өлкөсүнүн өкүлү, экинчи жагынан маанилүү милдетти аткарганын белгилеген Акар Түркия менен Босния-Герцеговинанын ортосундагы тарыхый өтмүшкө жана орток баалуулуктарга көңүлдөрдү бурду.
Түркиянын Балкан өлкөсү катары Босния-Герцеговинага болгон кызыгуусу күндөн-күнгө артып жатканын билдирген Акар: "Бул жердин туруктуулугу жана бүтүндүгү биз үчүн, бүткүл Балкан өлкөлөрү үчүн өтө маанилүү. Биз Босния - Герцеговинанын бүтүн болушу үчүн, өлкөнүн туруктуулугу жана бул жердеги адамдардын бейпилдикте жашашы үчүн бардык күч - аракетибизди жумшадык",- деди.
Босния - Герцеговинанын куралдуу күчтөрүнүн өнүгүүсү үчүн жасаган иштерине токтолгон Акар, өлкөнүн Европа жана Атлантика мекемелери жана НАТО менен интеграциясына колдоо көрсөтүүнү улантып жатышканын белгиледи.
Хулуси Акар расмий сапарын аяктап Босния - Герцеговинадан чыгып, Косового барды.
Тектеш кабарлар
Түркия Газага гуманитардык жардам жиберилди
Түркиядан гуманитардык жардамдарды Газага алып барган 9 - кеме Египетке жакындады.