Вишеград өлкөлөрүнөн Түркияга миграцияга каршы күрөштө колдоо көрсөтүү чакырыгы
Венгриянын борбор шаары Будапешттеги Пушкаш Аренада Чехия, Венгрия, Польша жана Словакиядан турган Вишеград тобу (V4) жана Түркиянын тышкы иштер министрлеринин 6-жыйынынан кийин биргелешкен маалымат жыйынын өткөрүлдү.
Венгриянын тышкы жана тышкы соода министри Петер Сийярто Түркиянын Европа Биримдигинин (ЕБ) коопсуздугунда олуттуу роль ойноп жатканын, ЕБ Түркияда жашаган иммигранттар үчүн убада кылынган сумманы тез арада жөнөтүшү керектигин айтты.
Венгриянын борбор шаары Будапешттеги Пушкаш Аренада Чехия, Венгрия, Польша жана Словакиядан турган Вишеград тобу (V4) жана Түркиянын тышкы иштер министрлеринин 6-жыйынынан кийин биргелешкен маалымат жыйынын өткөрүлдү.
Венгриянын тышкы иштер жана тышкы соода министри Сийярто, Европа Биримдигинин иммигрант агымынын алдын алуу үчүн миграция жолунда жайгашкан өлкөлөр менен тыгыз кызматташып, чек ара коопсуздугу үчүн Түркияга колдоо көрсөтүүсү керектигин баса белгилеп, Венгриянын түштүк чек араларын коргоонун Түркия менен башталганын белгиледи.
Түркиянын ушул убакка чейин өлкөдөгү иммигранттар үчүн 40 миллиард доллар сарптаганын белгилеген Сийярто, Европа Биримдигинин Түркияга иммигранттарга кам көрүү боюнча берген убадасын тез арада аткарууга чакырды.
Сиярто: «Европа Биримдиги Түркияга Түркияда жашаган иммигранттар үчүн убада кылынган 6 миллиард еврону тез арада төлөп бериши керек. Анткени Анкара континенттин коопсуздугунда маанилүү роль ойнойт»,- деди.
Польшанын тышкы иштер министри Збигнев Рау да Польша менен Түркиянын мыкты кызматташтыгы бар экенин белгилеп, өлкөсүнүн Түркиянын Европа Биримдигине мүчөлүгүн толук колдой турганын билдирди.
Чехиянын тышкы иштер министри Ян Липавский Ооганстандагы Талибан башкаруусу менен байланышта болуу жана НАТОго мүчө Түркиянын бул темадагы аракеттеринин абдан маанилүү экенин айтты.
Түркиянын да мыйзамсыз иммиграция менен абдан олуттуу күрөшүп жатканын баса белгилеген Липавский, Түркиянын өз аймагында миллиондогон иммигранттарды кабыл алганын жана бул багытта таштаган кадамдарынын абдан баалуу экенин айтты.
Словакиянын тышкы иштер министринин орун басары Ингрид Брокова Түркиянын Словакиянын досу, НАТОнун өнөктөшү экенин, Европа Биримдиги менен мүчөлүк сүйлөшүүлөрүн жүргүзүп жатканын, көптөгөн аймактык жана глобалдык маселелерде маанилүү роль ойноорун белгиледи.
