Түрксат 5Б байланыш спутниги космоско жөнөтүлдү

Түркиянын жаңы спутниги Türksat 5B (Түрксат 5Б) Америка Кошмо Штаттарынын (АКШ) Флорида штатындагы Канаверал базасынан Түркия убактысы боюнча саат 06:58де космоско ийгиликтүү учурулду.

Пайдалуу жүгү жана кубаттуулугу менен Түрксат спутник флотунун эң күчтүүсү боло турган Түрксат 5Б байланыш спутниги Space X фирмасына таандык Falcon 9 ракетасы менен космоско жөнөтүлдү.

Түркия менен катар бүткүл Жакынкы Чыгышты, Перс булуңун, Кызыл деңизди, Жер Ортолук деңизди, Түндүк жана Чыгыш Африканы, Нигерияны, Түштүк Африканы жана жакынкы коңшу өлкөлөрдү камтыган кеңири камтуу аймагында кызмат кыла турган Түрксат 5Б, жыштыктарды кайра колдонуу жана көп нурлуу камтуу концепциялары колдонулган Ка-диапазондун пайдалуу жүгү менен жалпысынан 55 Гбит/с ашык маалымат өткөрүү жөндөмдүүлүгүн камсыздайт.

Түрксат 5Б спутниги берген жогорку маалымат сыйымдуулугу менен Түркиянын жер үстүндөгү инфраструктурасы жете албаган жерлерине жетүү мүмкүн болот жана интернет инфраструктурасы түзүлөт.

Түрксат 5Б космосто ордун алышы менен Түрксаттын атамекендик жана улуттук спутник антенна үй-бүлөсүнүн PeycON кызматтарынын камтуусу жана ылдамдыгы да күчөйт.

Спутниктик камтуу аймагынын өнүгүшү менен дүйнөнүн көптөгөн өлкөлөрүндө MicrON, AerON, HidrON жана TerrON антенна үй-бүлөсүн интернет, корпоративдик тармак жана IP бачаулинг сыяктуу кызматтар менен бирге колдонууга мүмкүн болот.

Мындан тышкары Түркияда активдүү байланыш спутниктеринин саны 5ке, жалпы спутниктердин саны 8ге жетет.