Түркиянын учуу түйүнү

Түркия быйыл 128 өлкөдө 335 багытка жетүү менен «дүйнөдөгү эң чоң учуу желесине» ээ болгон өлкө болду.

«Дүйнөнүн транзиттик борбору» болуу потенциалына эгедер Түркияда бул артыкчылыктан пайдалануу үчүн 2002-жылдан бери авиация саясатынын алкагында таасирдүү иш-аракеттер жүргүзүлүүдө.

Жарандык авиацияга жасалган инвестиция жана бул тармактагы эрежелердин негизинде Түркия дүйнөлүк орточо көрсөткүчтүн үстүндө өсүү ийгилигин көрсөттү.

Түркия 2020-жылы жүргүнчү ташуу боюнча дүйнөдө 7-орунду, Европа өлкөлөрүнүн арасында 2-орунду ээледи.

2003-жылы 50 өлкөдө 60 багытка каттам жасаган Түркия, быйыл 128 өлкөдө 335 пунктка жетип, «дүйнөдөгү эң чоң учуу тармагына» ээ болгон өлкөлөрдүн бири болду.

Түрк жарандык авиациясында глобалдык таасирин тийгизген жаңы мезгил болсо Стамбул аэропортунан башталды.

Дүйнөдөгү эң чоң аэропорттордун бири болгон тоскоолдуксуз жана жашыл аэропорт 2018-жылдын 29-октябрында Стамбулда ишке киргизилген.

Өткөн жылы Стамбул аэропорту Европанын жүргүнчү ташуу рейтингинде биринчи орунду ээлеген.