Эрдоган «Түркиянын ыктыярчылар сыйлыктарын» тапшыруу аземине билдирүү жөнөттү

Президент Режеп Таййип Эрдоган, кайрымдуулук, боорукердик, мээримдүүлүк жана тилектештиктин эзелтен бүгүнкү күнгө чейин аздектелген түрк улутунун эң өзгөчө сапаттары болгонун белгиледи.

Эрдоган 5-декабрь Дүйнөлүк ыктыярчылар күнүнөн улам Түрк Кызылайы тарабынан Стамбулдагы Халич конгресс борборунда уюштурулган «Түркиянын ыктыярчылар сыйлыктарын» тапшыруу аземине билдирүү жөнөттү.

Эрдогандын билдирүүсүндө: «Кайрымдуулук, боорукердик, мээримдүүлүк жана тилектештик биздин сүйүктүү элибиздин илгертен бүгүнкү күнгө чейин өзгөчө сапаттары болуп келген. Түзүлгөндөн бери иш-аракеттерин «ыктыярдуулуктун» негизинде жүргүзүп келе жаткан Түрк Кызылайыбыз да өлкөбүздө жана дүйнөнүн бардык жеринде муктаж болгондордун жанында болуу менен көптөгөн жараларды айыктырды. 5-декабрь Бүткүл дүйнөлүк ыктыярчылар күнүнө карата Түрк Кызылайы тарабынан уюштурулган «Түркиянын Ыктыярчылык сыйлыктарын» тапшыруу программасы коомубуздун бардык мүчөлөрүн, өзгөчө жаштарыбызды боорукердик жана ыктыярдуулукка жарышка үндөйт деп ишенем»,-деп айтты.

Түркиянын ыктыярчылык сыйлыктары менен сыйланган ыктыярчыларды куттуктаган Эрдоган:«Жакшылыктын жарым айы болгон Түрк Кызылайынын кызматкерлерине, ыктыярчыларына жана колдоочуларына чын жүрөгүмдөн ыраазычылык билдирем»,- деди.