Чавушоглу: «Түркия дос жана боордош Ливандын өнүгүүсү жана жыргалчылыгы үчүн өз милдетин аткарат»

Тышкы иштер министри Мевлүт Чавушоглу Түркиянын дос жана боордош Ливандын өнүгүүсү жана жыргалчылыгы үчүн өз милдетин аткарууну уланта турганын билдирди.

Чавушоглунун Ливан элине багытталган макаласы өлкөнүн эң көп окулган гезити Эль-Жумхуриеде жарыяланды.

Макаласында 13-кылымдын мистиктеринен болгон Мевлана Желаледдин Руминин «Үмүтсүздүктөрдүн артында канчалаган үмүттөр бар, караңгылыктын артында канчалаган күндөр бар» сөзү менен бирге «Биз сени мененбиз, Ливан!» темасын койгон Чавушоглу, 2020-жылдын 4-августундагы Бейрут портунда болгон жарылуудан кийин сапары учурунда кыйраган имараттын үстүндө көргөн «Бейрут миң жолу өлүп, миң жолу тирилди» деген сөздөрдү эске салды.

Дубалдагы жазуунун ливандык акын Надя Туениге таандык экенин белгилеген Чавушоглу:«Бул сөздөр Бейруттун гана эмес, ливандыктардын да атактуу туруктуулугу жөнүндө айтып турат»,-деди.

Мевлүт Чавушоглу макаласында порттун жарылуусу менен кыйын мезгилге кирген Ливандын бул кыйынчылыктуу мезгилди жеңээрине ишенгенин айтты.

Ливан менен түптөлгөн тарыхы жана терең маданий карым-катнаштары, географиясы жана тагдырлары орток болгон Түркиянын мамлекети жана эли менен эч кандай айырмачылык кылбастан ар дайым ливандык боордошторунун жанында экенин баса белгилеген Чавушоглу мындай улантты:«Дүйнөлүк банкка караганда, дүйнөдөгү акыркы 150 жылда болгон эң чоң экономикалык кризистердин бирин башынан өткөрүп жаткан Ливандын күлүнөн кайра жаралуусу жана ар түрдүү диндер жана маданияттар тынчтыкта ​​жашаган анын өзгөчөлүгүн сактап калуу үчүн болгон күчүбүздү жумшайбыз. Биз Ливандын энергиясынын жана күчүнүн аймактык соодалашуулардын жана туруксуздуктун баасын төлөө үчүн эмес, элин бутуна тургузуу үчүн колдонулушун каалайбыз».

Тышкы иштер министри Мевлүт Чавушоглу макаласында төмөнкүлөрдү билдирди: «Ливанда жайгашкан Бириккен Улуттар Уюмунун Убактылуу Кызмат Күчүнө (UNIFIL) дагы бир жыл салымыбызды улантуу чечими Түркия Улуу Улуттук Жыйынында 28-октябрда бекитилди. Ливандын армиясы менен коопсуздук мекемелерине колдоо көрсөтүүнү улантабыз. Биздин Ливандагы жалгыз күн тартибибиз дос жана бир тууган Ливан элинин тынчтыгына, бейпилдигине жана жыргалчылыгына салым кошуу, Ливандын коопсуздугун, стабилдүүлүгүн жана суверенитетин колдоо.

Түркия 2020-жылы улуттук дүң кирешесинин болжол менен 1 пайызын гуманитардык жардамга бөлүп, «дүйнөнүн эң жоомарт өлкөсү» болууну улантты. Албетте, Ливан башынан өткөргөн кризистен күчтүүрөөк чыгат. Түркия дос жана боордош Ливандын жыргалчылыгы жана өнүгүүсү үчүн өз милдетин аткарууну улантат».