Парламенттин төрагасы Шентоп Италияга жөнөп кетти

Түркия Улуу Улуттук Жыйынынын (TBMM) төрагасы Мустафа Шентоп, Чоң жыйырмалыктын (G20) парламент төрагаларынын 7-саммитине катышуу үчүн Италияга аттанды.

Шентоп Анкарадагы «Эсенбога» аэропортунан коштоп жүргөн делегация менен Италиянын борбору Римге жөнөп кетти.

Түркиянын Римдеги элчиси Өмер Гүжүк Шентоп жана аны коштогон парламенттик делегациянын урматына сый тамак уюштурат.

Шентоп 7 -октябрь бейшемби күнү боло турган «Адамдар, жер жүзү жана бакубатчылык үчүн парламенттер» деген аталыштагы P20 саммитинин ачылышына катышат.

«Жаңы типтеги коронавирустун (Ковид-19) эпидемиясынан келип чыккан социалдык жана жумуш кризисинин чечимдери» аттуу сессияда сөз сүйлөй турган Шентоп, Италия Сенатынын төрайымы Мария Элизабетта Альберти Каселлати жана Италиянын Өкүлдөр палатасынын төрагасы Роберто Фико менен жолугушат.

P20 алкагындагы «социалдык жана экологиялык туруктуулук жагынан экономикалык өсүштү жандандыруу» деген аталышта өткөрүлө турган сессияда сөз сүйлөй турган Шентоп, андан кийин саммитке келген парламент башчылары менен үй -бүлөлүк фотосессияга катышат.

Шентоп сапарынын акыркы күнү, 8 -октябрь, жума күнү P20 алкагында «Пандемиядан кийинки туруктуулук жана азык-түлүк коопсуздугу» деп аталган сессияда сөз сүйлөйт.

Кийинчерээк аналитикалык борбордун өкүлдөрү менен жолугуша турган Шентоп жана аны коштогон парламенттик делегация мекенге кайтат.