Чавушоглу Сараевого барды
Чавушоглу Ковачи көрүстөнүнө зыярат кылып, өлкөнүн биринчи президенти, маркум Алия Иззетбеговичтин мүрзөсүнө гүл койду.
Тышкы иштер министри Мевлүт Чавушоглу расмий сүйлөшүү үчүн Босния-Герцеговинанын борбору Сараевого барды.
Чавушоглу Ковачи көрүстөнүнө зыярат кылып, өлкөнүн биринчи президенти, маркум Алия Иззетбеговичтин мүрзөсүнө гүл койду.
Башчаршыны кыдырган Чавушоглу, бул жерде Түркия радио жана телекөрсөтүү мекемесинин (ТРТ) рейтинг рекорддорун жаңырткан «Дирилиш Эртугрул» сериалында Исламды тандаган кресттүү аскердин образын чагылдырган жана ТРТ Даректүү тасма каналында «Үй-бүлөнүн жаңы мүчөсү» программасын алып барган Решад Стрик менен маектешти.
Чавушоглу кийинчерээк тарыхый Гази Хусрев Бей мечитинин короосунда жайгашкан Гази Хүсрев Бей күмбөзүндө сыйынды.
Гази Хусрев Бей мечитинин башкы имамы Менсур Малкичтен маалымат алган Чавушоглу, Словениянын муфтийи Недзад Грабустун саламын айтты.
Малкич ошондой эле Гази Хусрев Бейдин Сараевого келишинин 500 жылдыгын белгилей тургандыктарын белгилеп, ал калтырган чыгармалардын бүгүнкү күнгө чейин сакталып калгандыгын айтты.
Чавушоглу Босния-Герцеговинанын тышкы иштер министри Бисера Туркович тарабынан уюштурулган ифтарга катышты.
