Түркиянын алгачкы орточо аралыктуу ракета кыймылдаткычы дүйнөлүк рекордго жетти

Түрк инженерлери тарабынан толугу менен жергиликтүү жана ата мекендик мүмкүнчүлүктөр менен долбоорлонгон Түркиянын алгачкы орточо аралыктуу ракета кыймылдатчыкы TEI-TJ300 дүйнөлүк рекордго жетишти.

2017 – жылы ТҮБИТАК, ТУСАШ кыймылдаткыч өнөр жай акционердик коому менен Рокетсан дын кызматташуусу менен чыгарыла баштаган TEI-TJ300 турбоактивдүү кыймылдаткыч долбоору, максат кылынгандан да жогорку жыйынтыктарды көрсөттү.

230 - 250 миллиметрдик класстагы башка атаандаш кыймылдаткычтардын эң мыктысы 250 миллиметрдик диаметри менен эң көп 1250  N деңгээлинде импульс кубатын чыгарган TEI-TJ300 кыймылдаткычы 240 миллиметрдик диаметри менен 1342 N импульс кубатына жетип бул класста дүйнөлүк рекордго жетти. 

TEI-TJ300 турбоактивдүү кыймылдаткычынын  алгачкы прототип иштетүү аземи өнөр жай жана технология  министри Мустафа Варанктын катышуусу менен 2020 -  жылы июнь айында өткөрүлгөн.  Варанк эми TEI-TJ300 жетишкен рекордду соцтармактан билдирди. Маалыматта TEI-TJ300дүн рекордго жеткен сынагынын видеосу да орун алды.

Ракета системаларына ылайыкташуусу үчүн 240 миллиметрлик диаметринде классында импульс кубатын иштеп чыгара ала турган дүйнөдөгү алгачкы  кыймылдаткыч болгон TEI-TJ300, 5000 5000 фут бийиктикте үн ылдамдыгынын 90 пайызына чейинки жогорку ылдамдыкта иштей алат.

TEI-TJ300 кыймылдаткычы эч кандай стартер системасына муктаждык болбостон  (стартердик мотордун) шамалдын таасири менен баштоо мүмкүнчүлүгүнө ээ. Бул өзгөчөлүк платформанын аба, деңиз жана кургактан коргонуу системаларында колдонууга мүмкүнчүлүк берет.

TEI-TJ300 турбоактивдүү кыймылдаткычын иштеп чыгуу жана квалификациялык сыноолор аяктагандан кийин, массалык түрдө чыгаруу процесси башталат.