Деңизде качкындар куткарылды
Куткарылган 40 качкын жээкке чыгарылды.
Балыкесир жана Мугланын жээктеринде, Грециянын жээк күзөт кызматы тарабынан Түркиянын аймактык сууларына кайтарылган 40 качкын жээкке чыгарылды.
Эгей деңизинде, Айвалык районуна жакын жерде резина кайыкта качкындардын болгондугу жөнүндө маалымат алган Жээк Коопсуздугу командирлигинин топтору кыска убакыттын ичинде аймакка барышты.
Мидилли аралына барууга аракет кылып жатканда грек жээк күзөтчүлөрү тарабынан түрк сууларына түртүлгөндүгү аныкталган 34 качкын, Кунда аралындагы Жээк коопсуздугу командирлигинин борборуна жеткирилди.
Ошол эле учурда, Мугланын Мармарис районунун жээктеринде кайыкта мыйзамсыз мигранттардын бар экендиги жөнүндөгү маалымат боюнча Жээк Коопсуздугу командирлигинин топтору чара көрүштү.
Грециянын жээк күзөтчүлөрү тарабынан Түркиянын аймактык сууларына түртүлгөн 6 адам куткарылды.
Мыйзамсыз мигранттар текшерүүдөн өткөндөн кийин Облустук иммиграция башкармалыгына жөнөтүлдү.
