Абдүлхамит Гүл дүйнөнү трансулуттук кылмыштарга каршы күрөшүүдө чын ыкластуу кызматташууга чакырды
Абдулхамит Гүл Жапониянын Киото шаарында он-лайн режиминде өтүп жаткан Бириккен Улуттар Уюмунун (БУУ) Кылмыштуулуктун алдын алуу жана кылмыш сот адилеттиги боюнча 14-конгрессине видео кайрылуу жөнөттү.
Адилет министри Абдүлхамит Гүл, дүйнөнү трансулуттук кылмыштарга, айрыкча терроризмге каршы чын ыкластуу кызматташууга чакырды.
Абдулхамит Гүл Жапониянын Киото шаарында он-лайн режиминде өтүп жаткан Бириккен Улуттар Уюмунун (БУУ) Кылмыштуулуктун алдын алуу жана кылмыш сот адилеттиги боюнча 14-конгрессине видео кайрылуу жөнөттү.
Гүл, Конгрессте жарыяланган видео кайрылуусунда, укуктар менен эркиндиктерге чоң жана жалпы коркунуч туудурган нерсеге көңүл бургусу келгенин белгилеп, «Бул коркунуч барган сайын дагы көп өлкөнү бутага ала баштады жана аларды жоюу үчүн жалпы күрөштө эл аралык коомчулуктун чын ыкластан кызматташуусу керек. Түркия терроризмден аябай көп запкы чеккен өлкө болуп саналат, терроризмдин бардык түрлөрү менен, тил, дин, расасына карабастан, дискриминациясыз чечкиндүү күрөшүүдө»,-деп айтты.
Министр Гүл, Түркиянын бул күрөшүүсүн негизинен укуктар менен эркиндиктердин күрөшүү деп эсептээрин баса белгилеп, «2016-жылдын 15-июлунда биздин мамлекетте демократияны, конституциялык түзүлүшүбүздү жок кылууга аракет кылган кылмышкерлердин айрымдарына тилекке каршы, айрым өлкөлөрдө качкын катары башпаанек берилип жатат. Ирактын түндүгүндөгү террордук лагерлерде ошондой эле карапайым адамдарыбызды шейит кылган дагы бир террордук уюм (ПКК) жазасыздык ишеничи менен эркин кыймылдап жүргөн өлкөлөрдө келечектеги кандуу кыймылдары үчүн акча жана кызматкерлерди тартуу ишин улантууда»,-деди.
«Кылмышкерлерди иш жүзүндө коргогон айрым мамлекеттердин мындай мамилеси эл аралык мыйзамдарга каршы келет»,-деп айткан Гүл, бул мамилелерин кош стандарттуулук менен гана түшүндүрүүгө болот деп билдирди.
Бардык трансулуттук кылмыштарга, айрыкча терроризмге каршы күрөшүүдө жалпы түшүнүшүү жана чын ыкластуу кызматташтыкта жолугушуу керектигин баса белгилеген Гүл: «Биз Түркия катары Бириккен Улуттар Уюму (БУУ) баш болгон эл аралык платформаларда жүргүзүлгөн изилдөөлөргө катышууга жана салым кошууга даярбыз»,-деп айтты.
