Эрдоганга "Дүйнөлүк мусулман инсандыгы сыйлыгы"

Нигерияда жарыяланган Muslim News Nigeria гезити 2020-жылдагы "Дүйнөлүк мусулман инсандыгы сыйлыгынын" президент Режеп Таййип Эрдоганга берилишине чечим чыгарды.

Muslim News Nigeria гезитинин редактору Рашид Эбубекир # MNAwards2020 хэштеги менен 2020-жылдагы "Дүйнөлүк мусулман инсандыгы сыйлыгынын" жыйынтыктарын жарыялады.

Президент Эрдоган, Muslim News Nigeria тарабынан 2018-жылы бериле баштаган "Дүйнөлүк мусулман инсандыгы сыйлыгы" менен сыйланды.

Эбубекир өз билдирүүсүндө, гуманитардык аракеттердин бардык жагына таасирин тийгизген коронавирус (Ковид-19) эпидемиясынын башталышынан улам 2020-жыл дүйнө жүзү үчүн өтө оор жыл болгонуна карабастан, Эрдогандын адилеттүү иштерди жүргүзгөндүгүн жана анын жетишкендиктери мурункусунан ашканын айтты.

Эрдогандын көрөгөч лидер болушунун бир гана Түркияга пайда алып келбегенин баса белгилеген Эбубекир, мунун бүткүл мусулман коомчулугу үчүн дөөлөт экенин баса белгиледи.

Рашид Эбубекир президент Эрдогандын жетишкендиктеринин арасында Аясофия мечитинин ачылышы, Тоолуу Карабах аймагынын бошотулушу, Ковид-19дан катуу жабыркаган өлкөлөргө жардам пакеттеринин берилиши, мусулман коомчулуктарына гуманитардык жардам, Палестина маселесинин чечилишине колдоосу жана исламофобияга каршы чыгышы экенин билдирди.