Тунистин мурунку лидери Эрдоган туралуу мактоо менен сөз кылды

Тунистин мурунку президенти Мунсиф ел  -  Мерзуки Президент Р. Т. Эрдогандын Египеттин демократиялык жол менен шайланган биринчи президенти Мухаммед Мурси доосуна ар дайым колдоо бергендигин белгиледи.

Мурси демократия фонду 25 -  январь төңкөрүшүнүн 10 жылдыгына карата видеоконференция аркылуу «Январдан бери 10 жыл... Төңкөрүштүн жүрөгүндө Мурси» деген темада иш чара өткөрдү.

Иш чарага катышуучулардан Мунсиф ел  -  Мерзуки Мурсинин Египеттин араб дүйнөсүндөгү абалын кайрадан куруу жана өлкөнү укук мамлекети кылуу үчүн күрөшкөндүгүн айтты.

Президент Эрдогандын Мурсиге колдоосун мактоо менен сөз кылган Мерзуки  : «Президент Р. Т. Эрдоган өлкөсүндө жана эл аралык тармакта Мурсинин доосун колдоду»,- деди.

«Мурси жыйынтыктарынан коркпостон адамзаттык баалуулуктар үчүн аракет кылды жана каршы чыккандарга карабастан демократияга баш ийди. Бардык мааниде мыкты адам эле»,- деди Мерзуки.

Египетте 30 жылдык Хүснү Мүбарек бийлиги 2011 -  жылы 25 -  январда башталган элдик көтөрүлүштөр менен акырына чыккан. 25 -  январь  төңкөрүшүнүн символдук ысымдарынан болгон жана демократиялык жол менен президент болуп шайланган Мухаммед Мурси 2013 -  жылы июль айында аскердик сокку менен кызматынан алыстатылган.

Мурси 2019 -  жылы 17 -  июнда сот залында каза болгон.